It(em) jan hellynx [van herent] molde(r) in jeg(ewoirdich) der scepen(en) van lov(en) gestaen heeft genome(n)/ en(de) bekynt dat hij genome(n) heeft van hee(re)n janne weys gehete(n) van/ duerne proefst des cloest(er)s van p(er)ke de molen des selfs cloesters gelegen/ ten broecke te houden(e) en(de) te hebben(e) van kersmisse lest leden ene(n) t(er)mijn/ van xii jae(re)n lanck deen na dander sonder myddel volgen(de) elx jaers daer/ in bynne(n) voir en(de) o(m)me xxi(½) mudde corens goet en(de) payabel der maten/ van lov(en) half tarwe en(de) half rogge te weten(e) vi mudde daer af [half tarwen en(de) rogge]/ hee(re)n gielise vranx te betalen(e) alle jae(re) etc(etera) hal En(de) iiii(½) mudde daer/ af oic half tarwe en(de) half rogge den ergename(n) der vrouwe(n) laps/ te betalen(e) den alle jae(re) den voirscr(even) t(er)mijn duren(de) also dat tvoirscr(even)/ cloester vande(n) voirscr(even) hee(re)n gielijse en(de) erfgename(n) der vrouwe(n) laps/ negheen scade en lide noch en hebbe En(de) trema remanant oft tsurplus/ vanden voirscr(even) xxi(½) mudde corens te betalen(e) den voirscr(even) hee(re)n janne/ alle maenden na gelanden gelande vander su(m)me(n) daer over comen(de) en(de)/ int tvoirscr(even) goeshuys leve(re)n It(em) es vorwaerde dat die voirscr(even)/ jan die voirscr(even) mole(n) houden sal wel en(de) loffelike(n) op sine(n) cost van/ spille(n) ca(m)me(n) en(de) van smere It(em) sal die selve jan de molestene houde(n)/ op slijte(n) en(de) voir elken duem slytens betale(n) gelijck men bove(n) en(de)/ benede(n) daer af betale(n) sal hier af es borge als p(ri)ncipael etc(etera) jan/ hellinx molde(re) et p(rim)[(us)] lomb(ar)t dormale aug(usti) xx/

Sen(tentia) voshem dormale septembri quarta

Sen(tentia) lomb(ar)t abs(oloens) m(ar)tii xii/