It(em) want stoet en(de) tebat opv(er)staen es geweest tusschen weyne(n) ramp(ar)t/ voir hem en(de) gielize van gulcke die hij h(ier) inne geloeft heeft/ te v(er)vaen in deen zijde en(de) he(re)n ja(n)ne co(m)mendoir te beckevoirt/[in dande(re)] alse van zeke(re)n pontgelde dat de voirs(creven) weyn en(de) gielijs den voirs(creven)/ co(m)mendoir eysschen sijn vande(n) [goeden van papenbroec dwelc hoeft inden] hove van lyebroec Soe sijn de/ voirs(creven) p(ar)tien comen voir scepen(en) van loven(en) en(de) hebben hen vande(n)/ voirs(creven) stoete gekeert in segge(re)n en(de) mintlic effene(re)n te weten de/ voirs(creven) weyn in arnold(en) kyp en(de) meest(ere)n ja(n)ne van ov(er)wynge en(de)/ de voirs(creven) co(m)mendoir in he(re)n lod(ewijcke) py(n)noc en(de) meest(ere)n gielize/ vand(er) stoct in alsulker vuegen dat de voirs(creven) weyn sine(n) eysch/ maken sal in ghescrifte en(de) ov(er)geven den segge(re)n des voirs(creven) co(m)me(n)doir/ bynne(n) xiiii nachten neestcomen(de) Dair op de voirs(creven) co(m)mendoir sijn/ v(er)antw(er)den maken sal en(de) ov(er)geven den segge(re)n des voirs(creven) weyns by(n)ne(n)/ xiiii nachten d(air) na En(de) soe wa(n)ner de voirs(creven) seggers/ den eyssch en(de) tv(er)antw(er)den van beyd(en) voirs(creven) p(ar)tien aldus ov(er)hebben/ selen sij huer uutsprake d(air) af doen eendrechtelic op dat sijs/ eens sijn bynnen xiiii nachten scaphans d(air) neest v(er)volgen(de) en(de)/ oft e(n)niger p(ar)tien segger gebrake dat zij in die stat ene(n)/ ande(re)n nemen en(de) kyesen selen mogen p(ro)mitt(entes) rat(um)/ cor(am) voshem dormale augusti xxvii/