It(em) willem van ophem gehete(n) meest(er)jans de jonge heeft/ genome(n) en(de) bekent dat hij genome(n) heeft van mathijse/ van broecken een stuck eusels gelegen te gempe acht(er)/ de h(er)b(er)ge gehete(n) de swane [op den breebe ald(aer)] tussce(n) de strate ald(aer) en(de) de/ goede henrix helscheviers met eenre beken d(aer) doer/ gaende gelijc die selve mathijs tselve eusel v met/ meer ande(re) goeden tegen h(er) woute(re)n van hug(ar)den/ profst scloest(er)s van gempe in jairscae(re)n genome(n) heeft/ Te houden en(de) te hebben van sinte m(er)tensmisse naest
//
comen(de) e(n)ne(n) t(er)mijn van vier jae(re)n lang deen nae dande(r)/ sond(er) middel volgen(de) Elx jairs dae(re)n bynne(n) om vi hollan(sche)/ gulden(en) te xvi stuv(er)s tsinte m(er)tens misse te betalen(e) al/ den voirg(enoemde) he(re)n woute(re)n van hug(ar)den alle jae(re) den/ voirs(creven) t(er)mijn due(re)nde quol(ibet) ass(ecutu)m Ite(m) es vorweerde dat/ de voirs(creven) willem den molne(r) die inde molen ald(aer) woe/ nechtich es oft h(ier) naemaels woene(n) sal een eynde vande(n)/ voirs(creven) eusele laten sal gelijckertwijs dat uut begraven/ es tot ene(n) warmoeshoefken en(de) oic selen de vysschers/ moege(n) orbe(re)n tsavoir staende int voirs(creven) eusel tot hoe(re)n/ p(ro)fijte en(de) een hutte ald(aer) sette(n) talle(n) tijden alsmen/ den wuwer ald(aer) vysschen sal en(de) niet lange(r) pe vync/ dormale septe(m)br(is) ult(ima)