It(em) tvonnis tussche(n) merten van schore die geleyt es tot den haeflike(n)/ goeden robrechts van schoe(re) des jonghe(n) sijns brueders in deen zijde/ ende wout(er) vander herstrate(n) in dande(r) als van zeke(re)n have(n) die die voirg(enoemde)/ wouter afgepant hadde ende de welke hij meynde dat hem volge(n) soude/ mitds dien dat hij robrechte van schoe(re) voirscr(even) voir meye(r) ende scepen(en)/ van nederlynte(r) verreyct hadde voir xxv guld(en) te x stuv(er)s voir en(de)/ eer dbeleyt gedaen was daer op die voirg(enoemde) merte(n) antdwerden/ dede dat hem die aen noch sine(n) beleyde die aensprake negheen/ / onstade doen en soude gemerct dat hij met vonnisse inde goede gewese(n)/ wae(r) en(de) al waert also dat wout(er) voirscr(even) robeerde voirscr(even) verreyct/ hadde so mocht hij dat aen sijn h lijf vervolge(n) Es gewijst met desen/ woirde(n) dat alsulke(n) aensprake als wout(er) gedaen gedaen heeft den/ voirg(enoemde) mertene noch sine(n) beleyde negheen onstade doen en sal en(de) heeft/ wouter voirscr(even) den voirscr(even) robrechte yet aen te spreken(e) dat hij dat doen mach en(de) met den rechte cor(am) lomb(ar)t abs(oloens) py(n)noc vynck/ voshe(m) dormale dec(embris) qui(n)ta