It(em) het zijn come(n) opden dach van heden voir de(n) rade vand(er) stad/ van loven(en) meest(er) arnt witte canonc d(er) kercken van sinte lambrechts/ te ludic van wege(n) des eerwerdichs capittels der selv(er) kercken/ in deen zijde en(de) he(r) willem van haller ridde(r) in dande(r) alse van/ zeke(r) goede toebehoe(re)nde den voirs(creven) h(er) willem(me) gelege(n) te cleyn haller/ nordrengniz oft dair omtrent op welke goede tvoirs(creven) capittel/ eyschende es xii mudde(n) spelten erfs pachts welken pacht de/ selve h(er) willem hue(r) ontkent willende tselve capittel met/ hue(re)n meye(r) en(de) scepen(en) in hue(re)n hove aldair den voers(creven)/ erfpacht aen de voirg(eruerde) goede met rechte te volgen(e) Dair
//
af de voirs(creven) h(er) willem de contrarie meyende mids dien dat capittel/ aen die goede den grontchijs oft nocht capuyne en heeft ende/ oic dat die goede hove(n) ond(er) de baelderie van ha(n)uyt voe(r) de/ rentm(eeste)r ons gened(ichs) he(re)n aldair Overghevende en(de) p(rese)nte(re)nde/ de voirs(creven) h(er) willem soe tv [wair] en(de) op wat goede tvoirs(creven) capittel/ gethoene(n) sal conne(n) met hue(re)n meye(r) en(de) scepen(en) chijs oft/ capuyn te hebben(e) dat tselve capittel op die goede inde(n) hof/ des selfs capittels sal moege(n) mette(n) rechte vervolgen hue(re)n/ pacht voirs(creven) Ende op wat goede tcapittel des niet en/ sal conne(n) gethoenen dair af te comen(e) voir de rentm(eeste)r van/ hannut ons gened(ichs) he(re)n soe heeft den raet overdragen/ en(de) gesloten alsoe te gescien(e) inder maten en(de) manie(re)n he(r)/ wilem van haller dat gepr(ese)nteert heeft actu(m) in pleno/ consilio dece(m)br(is) xi