Item alse ghescille ende dissencien opverstaen zijn tusschen geweest overlangen tijt tusschen willem(me)/ vand(en) hoeven ende elisabeth sinen wive welke willem hem overlanc verscheydende metter/ woenen van zijnen wive voirscr(even) ende dair toe der selver met alleene hue(r) have/ en(de) allet gherede dat zij hadde hue(r) ontreckende ende met ande(re)n wiven verte(re)nde mair/ slaende stoetende ende quetsende ende hen pinende de erflijke goede willen te v(er)copen(en)/ ende hadde dair af bijden raide vand(er) vand(er) stad voirmaels niet versien geweest ende/ met wederstaende der voirs(creven) ont [voir]sienlecheit vand(er) stad soe es de selve willem nu/ cortelinge come(n) ende heeft willen noch der voirs(creven) lijsbetten zijns wijfs erfgoede v(er)copen/ ende sine schout dair inne hij gehouden was dair mede willen betalen ende de/ selver dien goede [dreygende] dat hij alsulke havelike goede als de selve lijsbet bove(n) dat/ zij sesse kinde(re) die zij vande(n) voirs(creven) willem(m)e hue(re)n man heeft opbracht hadde/ alsoe verre dat meeste deel vanden kinde(re)n voirs(creven) hue(r) kindelijn met dienen/ nu wynnen moegen weder v(er)cregen ende vergadert heeft neme(n) soude ende/ vercopen wair bij de voirs(creven) lijsbet come(n) es bijden raede vand(er) stad opdoende/ de voirs(creven) [grote] onredelicheit die willem hue(r) man aen hue(r) voertkeerde gelijc voirs(ceven)/ is Biddende oetmoedelic bijden raede vand(er) stad dair op versien te werden(e)/ alsoe de voirs(creven) stad den voirs(creven) willem(m)e hue(re)n man bescreef o(m)me bij hen te/ comen(e) tot en(de) zeke(re)n dage ende van hem te weten oft hij yet jegen tvoirs(creven)/ becroen seggen oft allige(re)n woude tot welken dage de voirs(creven) willem qua(m) die/ met oft weynich conste geantworden op tbecroen voirs(creven) mids den welken/ de raet vand(er) stad ov(er)droech dat elc van hen beyden neme(n) soude twee/ goede mans die hen vernuegen ende te vreden met guetlicheide(n) sette(n) mochte(n)/ aensiende dat dat beter wae(r) o(m)me hue(re)r beyder kinde(r)e wille dan dat/ de sake met rigoere get(er)mineert woirde gelijc alsoe zij deden ende hebben/ de voirs(creven) iiii goede manne met consente ende wille van hen beyden/ een gevoech vonden dwelc zij bijden raide vander stad bracht hebben/ op ene(n) dach van rechte ende hebben gebeden dat de raet vander/ stat dat genoech voe(r) aen t(er)minatie uutspreken wouden Ende want den/ raet vand(er) stat tvoirs(creven) genoech redeleec dochte heeft de selve stad voe(r)/ reden ende bescheit get(er)mineert dat de voirs(creven) lijsbeth den voirs(creven) wille(m)me/ hae(re)n man noch gheven sal om alles besten wille sijn schout mede te betalen
//
v rijders der mu(n)ten ts(r)toghen van burg(oig)[nen] en(de) van brabant eens/ It(em) dat de selve willem alst hem gelieft sal moegen comen/ bij sine(n) wine eten ende drincken gelijc hue(r) van des hue(r)/ ov(er) v(er)leene(n) sal mair oft hij yet anders ende meer hebben woude/ dat hij dat sal copen moeten ende [oft] doen copen ende betalen ende zijn/ wijf sal hem dat bereyden ende mede eten ende voert en sal de voirs(creven) willem/ der voirs(creven) lijsbette(n) sine(n) wive noch slaen noch stoeten noch and(er)s handelen/ dan een goet man sculdich es sijn wijf te handelen ende dat hij hue(r)/ have noch hue(r) erve en sal v(er)copen noch v(er)setten noch bezwee(re)n in eniger/ manie(re)n ende oft hij hier tegen dade dat dat de stad uutrichten soude/ aenden voirs(creven) willeme(n) als aenden ghene(n) die tegen die t(er)minacie ende/ goetduncken vand(er) stat gedaen hadden actu(m) in pleno consilio febr(uarii) xxi