Item willem de waerseghe(re) die geleit es tot allen den goeden jans vander gherren/ geheten ghaerremans en(de) henricx gherremans sijns brueders kynde(re)n arnts/ wilen vander gherren in deen sijde ende mathijs van hoye en(de) jan langbelts/ die geleyt sijn totten goeden der selver voirg(enoemde) p(er)soene(n) in dande(r) die tegen/ malcande(re)n inde(n) gedinghe staen voe(r) meye(r) en(de) scepen(en) van loven(e) alse vanden/ goeden den voirs(creven) gebruede(re)n toebehoe(re)nde en(de) de voirs(creven) willem op den dach van/ heden teghen den voirs(creven) mathijse en(de) sijne(n) medegesellen inden rechte/ comen es hem vermetende dat de voirs(creven) gebrude(re) voerfluchten sijn totten/ welken te thoenen(e) hij met vo(n)nisse gewesen es Soe es comen/ mathijs en(de) sijn medegesellen voirs(creven) en(de) hebben gekent dat de vo den/ voirg(enoemde) willem(me) tghene des hij hem vermeten hadde vander voerfluchtich(eit)/ recht oft hij dat wettechlijken gethoent hadde En hebben oic de selve/ p(ar)tien tegen malcande(re)n dach genomen op in dysendaghe naestcomen(de)/ o(m)me alsdan tegen malcande(re)n van dien rechte te neme(n) en(de) te/ gheven(e) Coram voshem dormale aprilis xxv videlicet sabbato post/ quasi modo