It(em) tvonnisse tusschen janne langvelts die met mathijse h(er)daems geheten/ hoye geleyt es totte(n) goeden jans vand(er) gherren geheten gherremans/ en(de) henric gherremans sijns brued(er)s kinde(re)n arnts wijllen ghermans/ in deen zijde en(de) willem(m)e den warsege(re) die geleit es totte(n) goeden d(er) selv(er) voirg(enoemde)/ twe gebruede(re)n met jonge(re)n daten dan de voirg(enoemde) jan langvelt Want/ de voirs(creven) jan inde(n) rechte gekent heeft dat de voirs(creven) twe gebruede(re)n voirvluchtich/ zijn seggen(de) hoe wale hij voir geleidt es dat hij nochtan de voirs(creven)/ goede d(aer) mede tsege(n) den voirs(creven) willem(me) niet bescudden en wilt voird(er)/ dan hij ten heylegen derre houden dat de voirscr(even) twe gebruede(re)n te/ hemw(er)t gehoude(n) [sijn] oft dat hij voir hen steet P(rese)nterien(de) zijne(n) eed te/ doen(e) dat zij te hemw(er)t gehoude(n) zijn xxx rid(er)s als voir tprincepael/ van iiii iii mudden rox lijftochten en(de) oec in du iii mudden rox van pacht/[It(em) in xx rijders als van ii rijders lijftochten en(de) ii rijders van pachte] It(em) x guld(en) te x stuv(er)s stuc als voir dwerken vande(n) wijngarde dair/ hij voir gesproken heeft en(de) xxii(½) en(de) stuver(s) P(rese)nte(re)nde voirt soe wa(n)neer/ copman vanden voirs(creven) goeden vonden es en(de) v(er)cocht zijn dair toe met/ zijne(n) beleyde te doen(e) alle tgene des hij sal connen en(de) mogen Es gewijst/ met desen woirden dat de voirs(creven) jan langvelts gestaen sal mett(er) p(rese)ntacie/ die hij gep(rese)nteert heeft p(rese)nt(ibus) lomb(ar)t lye(ming)[en] ab(soloens) pynnoc vync voshem/ dormale april(is) ultima