It(em) na dat comen sijn te rechte inde banc vor meye(r) ende/ scepen(en) van loven(e) gielijs moutbroex die te gade(r) met/ janne van wayenb(er)ge en(de) willem berchs alle van/ langdorp geleit es tot den goeden clemencie(n) weduwe/ andries wilen van hoedonc soe wair de gelegen sijn/ in deen zijde dair af dbeleit gesciede xiii dagen en nove(m)bri/ int jair van xxxix ende janne vand(er) phalizen natuerlic/ die vor meye(r) en(de) scepen(en) van loven(e) gegoet en(de) gheerft/ es in seke(r) goede gelegen te testelt die wae(re)n willems
//
moutbroex van testelt des jongen van welker guedingen/ dbeleit ourspronc nam en(de) gedaen w(er)t den ix[sten] dach van/ januario int jair xiiii[c] xiii Alse vanden voirs(creven) goeden/ die de voirs(creven) gielijs moutbroex meynde te hemw(er)t te trecken/ en(de) zund(er)linge vor alsulken gebrec van schoude geluften oft/ gelde alse willem moutbroex des voirs(creven) gielijs brueder hem also/ hij seyde belanc wae(r) dair voe(r) hij sinen eet p(rese)nteerde dair af/ de voirs(creven) jan ter contrarien opdede dat de voirs(creven) brieve bijder voirs(creven)/ weduwen bekent en(de) de zij oic in hue(re)n handen hadde gecrigen/ wae(re)n met subtijlherden en(de) ter plaetsen dair de selve weduwe/ die in trouwen geleeght en(de) v(er)gheten hadde gelijc de voirs(creven)/ jan dat openbaerlic inden rechte thoende Van welken gescille/ de he(re)n scepen(en) van loven(e) remitteerden en(de) stelden de voirs(creven) p(ar)tien/ inder stat handen en(de) tot huer(er) t(er)minatien en(de) alsoe eest geboert/ dat de raet vand(er) stat de sake vand(en) gedinge yerst vol/ comelijc gheweegen get(er)mineert heeft van reden(en) en(de) recht/ dat de bruene van beleyde en(de) schoutbrieve des voirs(creven) gielijs/ met sijnre medep(ar)tien van gheenre werden en(de) te nyeute sijn/ selen en(de) dat die den voirs(creven) janne vand(er) phalisen selen/ volgen Behoudelijc dien oft de selve gielijs e(n)nich/ gebrec heeft van des hem sijn voirs(creven) brued(er) belanc/ mach sijn bleven dat hij dat volgen sal mogen ende/ metden rechte act(um) in pleno consilio augusti xiiii