It(em) jan gheronx molde(r) in jegenwoird(igheit) d(er) scepen(en) van loven(e)/ heeft genome(n) en(de) bekent dat hij genome(n) heeft van lodewijken/ van oppe(n)dorp en(de) janne hannarde een molen te redingen gelege(n)/ met zijnre toebehoirte(n) Te houde(n) en(de) te hebbe(n) van kersmisse/ naestcomen(de) ene(n) termijn van vijf jae(re)n lang deen nae dande(r)/ sond(er) middel volgen(de) elx jairs dae(re)n bynne(n) om xvi sacken/ herts corens gelijc de selve moelen wynne(n) sal d(er) maten/ van thiene(n) te wete(n) tallen maende(n) viii halste(re)n d(er) maten/ van love(n) d(aer) af te betalen en(de) bynne(n) den hove des voirs(creven) lod(ewijx)/ en(de) jans bynne(n) den gehuchte van redinge(n) te leve(re)n te wete(n)/ den selve(n) lod(ewijcke) die twedeel d(aer) af en(de) den voirg(enoemde) ja(n)ne dat/ ande(re) derdeldeel d(aer) af alle jae(re) den voirs(creven) termijn due(re)nde/ en(de) telke(n) termi(n)e als v(er)volghde scout Ite(m) es voirwerde dat/ de voirs(creven) molde(r) de voirs(creven) molen(en) houde(n) sal op zijn(er) last van/ ca(m)me(n) en(de) van spillen en(de) die ten afsceide(n) van zijne(n) t(er)mijne/ alsoe laten gelijc hij die vant te zijne(n) aencome(n) Ite(m) es v(or)werde/ oft aen de huse vande(n) voirs(creven) molen yet te wercken quame soe sal/ de selve wynne alsme(n) d(aer) werct den werclieden den montcost gheve(n)/ en(d) de voirs(creven) lod(ewijck) en(de) jan de dachue(re)n betalen En(de) alle thoutwerc/ dat me(n) d(aer) sal behoeve(n) sal de selve wyn [mulde(r)] moete(n) aenhale(n) dairmen/ hem dat bewise(n) sal Dair voe(r) sal hij hebben alle den affal/ vande(n) voirg(eruerde) hout comende eve(n)verre dat vande(n) erve des
//
voirs(creven) lodewix en(de) jans quame en(de) and(er)s niet It(em) oft aen de wuw(er)s/ toebehoe(re)nde den selve(n) lod(ewijcke) en(de) janne aen de voirs(creven) molen(en) liggende/ e(n)nich scade gesciede van zande en(de) dat bij ocsuyne des voirs(creven)/wynne(n) [molders] soe sal de selve wynne [molde(r)] hen dat moete(n) op richten/ ten p(ri)se van goede ma(n)ne(n) die hen des v(er)staen lomb(ar)t voshem/ octobr(is) xxix