Tvonnisse tusschen lijsbethen hoens weduwe woute(r)s wilen moreels in deen zijde en(de) quinten cokeroel/ marscalc die midts seke(re) scepen(en) brieve(n) hem vanden voirs(creven) wilen woute(re)n bekynt/ geleit is tot den goeden des selfs woute(r)s in dande(re) zijde als vanden selven beleide ende/ schoutbrieve dair mede en(de) dair uut de voirs(creven) qui(n)ten tot den goeden des voirs(creven) wilen wout(er)s/ geleit es dwelc beleit en(de) schoutbrief die voirs(creven) lijsbeth meynde dat hae(r) vanden voirs(creven)/ qui(n)ten overgegeven soude(n) worde by dier reden(en) want wouter wilen moreels hem/ die brieve bekynt hadde tot dien eynde allene te weten(e) om onthaven te werden van/ vier mudden lijftochten dair voe(r) hij voe(r) wouteren borghe [bleven] was en(de) niet om/ dair mede enighe goede tot hem te trecken voerder dan zijn scade vander voirs(creven)/ borchtochten gedragen soude moghen gelijk zij boet te thoenen gelijc dat hue(r) dat/ inden rechte soude moghen genoech sijn Wae(r) af dat de voirs(creven) qui(n)ten meynde bij/ reden(en) die hij dair toe dede seggen luttel oft niet van rechte dienen(de) Es gewijst/ met desen woerden dat tvoirs(creven) beleyt met den schoutbrieve come(n) sal onder/ de secretarijse vander stad en(de) aldair bliven ter tijt toe dat de voirs(creven) qui(n)ten gelost sal/ zijn vander voirs(creven) borchthe borchtochten ende niet langer lombart abs(oloens) vync voshem/ dormale februarii viii