It(em) tho want jan vander beke raymake(r) die geleyt es tot den goede(n)/ lambrechts vande(n) bossche gelege(n) omtrint cortelke op d(en) dach van hede(n)/ hadde doen inscrive(n) met der stat brieve van versueke wille(m)me va(n)de(n)/ bossche en(de) lijsbethe(n) sijnre zuster die hem ongebruyck deden aent derdel/ vande(n) goede(n) hier onder bescreve(n) Te weten inde(n) yersten aen een/ eusel gelegen te cortelke ter plaetse(n) gehete(n) savelpoel tussche(n) woute(re)n/ wijle(n) vande(n) hove in deen zijde henrick van ee(re)nboudege(m) op dande(re) jan/ dunnemelc op de derde en(de) woute(re)n swertvege(re) op die vierde sijde It(em)/ aen een half dach(mael) eusel inde(n) selve p(ro)chie aen de vorste beemt strate/ tussche(n) henrick wijle(n) van musen(en) en(de) m(ar)ga(r)ete(n) taelmans It(em) aen (½)/ dach(mael) lants gelege(n) aldaer ter brederstrate(n) tussche(n) die selve strate/ en(de) jan reers It(em) aen (½) dach(mael) lants geleg(en) op leempoel tussche(n) janne/ gorijs en(de) merct ouderogge It(em) aen (½) dach(mael) lants alsoet geleg(en) es/ opt tvoirs(creven) velt tussche(n) wille(m)me vander beke en(de) wouters smeyers/ tot welke dage sijn sij niet come(n) en sijn So hebbe(n) de hee(re) scepen(en)/ van lov(en) ter manisse(n) smeyers gewijst datme(n) den voirg(enoemde) janne/ vander veke houden sal in sine(n) beleyde also verre dat noch voir/ hen come(n) es cor(am) lomb(a)rt ab(soloens) py(n)noc vyncke voshe(m) dor(mae)le m(ar)tii xii