It(em) om des wille dat hij dueghedeliken versuemich(eit) v(er)loe(re)n es een/ gelufte van xxiiii rijders cronen die jan ouderogge geloeft hadde voe(r) scepen(en)/ van loven(e) te betalen(e) h(er)manne de raet bynne(n) ene(n) jare nae de doot/ goesswijns wijlen ouderogge Soe eest om den voirs(creven) janne ouderogge/ v(er)waet te zijne dat hij met ene(n) betalen(en) gestae sonder es metter/ voirs(creven) geluften oft die bevonden worde nae dat hij betalinge sal doe(n)/ gepramt te wezen en(de) oic den voirs(creven) h(er)manne tot den sijne(n) te/ mogen geraken dat de raet vand(er) stad ov(er)dragen heeft dat de/ voirs(creven) h(er)man de(n) voirs(creven) ja(n)ne te(n) eynde vanden voirs(creven) jare alse hij sijn/ gelt sal ontfange(n) voe(r) scepen(en) quitancie geve(n) sal en(de) oft de gelufte/ nae de betalinge voe(r) oghe(n) quame dat de voirs(creven) van ghenre werde(n)/ wezen en sal mair gea(n)nichileert worde(n) act(um) in pleno consilio/ xxiiii maii