It(em) want stoet en(de) tebat opv(er)staen es geweest tusschen he(re)n woute(re)n/

van hug(ar)de reyne(re)n vande(n) hove in deen zijde en(de) he(re)n/ woute(re)n van hug(ar)den proefst cloest(er)s van gempe van wegen/ des voirs(creven) cloest(er)s in dande(re) alse van zeke(re)n chijs die de selve/ reyne(re) meer meynt te hebben van ix dachmael lants den voirs(creven)/ cloeste(re) toebehoe(re)nde [geheten de zeghers haghe] dan de voirs(creven) proefst meynt dat hij sculdich/ es [te geven(e)] soe sijn de selve p(ar)tien comen voir scepen(en) van loven(en) en(de)/ hebben hen vande(n) voirs(creven) stoete gekeert in segge(re)n en(de) mintliken/ effene(re)n te weten de vors(creven) reyne(re) in jonche(re)n daneele vande(n)/ waerde en(de) gerard(e) van baussele der stat clerc en(de) de voirs(creven)/ h(er) wout(er) in mychiele abs(oloens) en(de) arnold(e) kyp in alsulken vuege(n)/ dat de voirs(creven) reyne(re) sine(n) eysch maken sal in ghescrifte en(de) ov(er)/ geven den segge(re)n des voirs(creven) he(re)n wout(er)s bynne(n) xiiii nachten neest/ comen(de) d(air) op de voirs(creven) h(er) wout(er) sijn v(er)antw(er)den maken sal/ en(de) ov(er)geven in gescrifte den segge(re)n des voirs(creven) reyneers bynnen/ xiiii dagen d(air) na en(de) soe wa(n)ner de voirs(creven) seggers den eysch/ en(de) tv(er)antwerden aldus ov(er)hebben selen zij hue(re) uutsprake [eendrechtelic] dair af/ doen op dat zijs eens sijn bynne(n) xiiii nachten staphans d(air) na volgen(de)/ en(de) oft zijs niet van accorde en conne(n) gesijn soe selen zij bynnen/ de voirs(creven) xiiii nachten den eysch en(de) tv(er)antwerden [vand(er) voirs(creven) saken] met allen [de(n) besch(eit)] dat zij/ d(air) af hebben oft weten ov(er)geven jasp(ar) abs(oloens) alse ov(er)man de welke zijn/ uutsprake vande(n) selve(n) stoete doen sal bynnen xiii nachten die/ d(air) na sond(er) middel volgen selen promitten(tes) rat(um) en(de) oft e(n)nig(er)/ p(ar)tien seggers gebrake dat zij in die stat ene(n) ande(re)n kiesen/ selen mogen p(ro)mitt(entes) rat(um) lombart dormale jul(ii) xxvi/