Tvonnisse tusschen clase amelen van erps die voe(r) meye(r) ende/ scepen(en) van loven(en) gegoedt ende geerft in seker goede die waren/ jan reers jans soen was en(de) onder den ande(re)n in een/ stuck eyghens beemts houden(de) xl roeden gelegen terps/ tusschen de goede des gasthuys van s(in)[te] jans te/ bruessel en(de) des cloesters van sint(er) cleeren in deen/ zijde en(de) woute(re)n coels in dande(re) alse vanden goede(n) voirs(creven)/ die de voirs(creven) wout(er) meynde te hebben bij seke(re)n reden(en) die/ hij d(air) toe alligeerde daer af de voirs(creven) claes de cont(ra)rie/ meynde mids alrehande bescheide en(de) ond(er) den ande(re)n dat/ hij de selve goede ov(er) xxx jair en(de) dage beseten hadde/ was gewijst met desen woirden na aensprake verantw(er)den/ en(de) thoenisse van beyden p(ar)tien dat de voirs(creven) wout(er) verdoelt/ is met sijnre aenspraken tot den voirs(creven) clase en(de) sijnen/ scepen(en) br(ieven) also v(er)re alst voe(r) scep(enen) comen is p(rese)nt(ibus) rike witte ov(er)wynge/ vynck(enbosch) lint(er) dec(embris) xix