SAL7339, Act: R°204.1 (257 of 450)
Search Act
previous | next
Act R°204.1  
Act
Date: 1445-01-16

Transcription

2019-02-26 by Jos Jonckheer
It(em) jacop van mysberge heeft aengesproken henricke maes/
met sijne(n) gelev(er)de voirspreke in ons gened(ichs) he(re)n vry jair/
gedinge seggen(de) dat hij tegen den voirs(creven) henricke gecocht/
heeft x amen wijns te winxele op des voirs(creven) henrix erve/
gewassen x mudde rox lovensch pacht x mudde g(er)sten/
en(de) x mudde have(re)n elx alsoe goet als lepelcame(r) voe(r) dwelc/
de voirs(creven) jacop den voirg(enoemde) henricke geven soude en(de) betalen/
bynnen eene(n) jair na der leveringen xxxv rijd(er)s d(er) mu(n)ten ons/
gened(ichs) he(re)n ende dat de voirs(creven) comentscap aldus geschiet wae(re)/
dat gaf de voirs(creven) jacop den selve(n) henricke tot gode en(de)/
tot sijnre wettiger eedt oft hij boedt selve te houden/
hopende en(de) meynen(de) wair hij egheen onschout en dade op/
daensprake dat hen de comentscap volgen soude na de p(rese)ntatie/
die de voirs(creven) jacop d(air) af dede Na den welken de voirscr(even)/
henric den voirg(enoemde) jacoppe den eedt voe(r) alle vo(n)nissen/
ov(er)gaf alsoe dat de selve jacop sijne(n) eedt ongecalengiert/
dede gelijc hij p(rese)nteerde Alsoe dat ten ut(er)sten de he(re)n scepen(en)/
gemaent wijsden voir een vo(n)nisse dat den voirs(creven) jacoppe/
de voirs(creven) comentscap volgen soude na den eedt die hij dair/
af gedaen hadde p(rese)nt(ibus) pynnoc rijke ov(er)wynge vynck(enbosch)/
lynt(er) iu(n)ior januarii xvi
ContributorsWalter Winnelinckx
Moderated byWalter Winnelinckx
Last update: 2016-11-15 by Jos Jonckheer