It(em) want jan van beringen op die voir meye(r) en(de) scepen(en)/ van loeven(en) gegoet ende geerft es in zeke(re)n goede(n) gelege(n)/ inde p(ro)chie van machle(n) in alrehande porceele(n) ald(air)/ gelijc de scepen(en) brieve van loeven(en) d(air) op gemaect de voirs(creven)/ goede met huere(n) reengenote(n) volcomel(ijc) uutwijsen alsoe lange als/ jouff(rouwe) m(ar)gr(iete) vand(er) balct die wijf es jans va(n) wynxele leve(n)/ sal en(de) niet lang(er) op hede(n) hadde doen inscrive(n) jouffr(ouwe) g(er)truyt/ weduwe gielijs wile(n) vand(er) balct d(er) voirs(creven) jouff(rouwe) m(ar)griete(n)/ moed(er) die he(m) aen alle de voirs(creven) goede ongebruyc dede Tot/ welke(n) dage de voirs(creven) jouff(rouwe) g(er)truyt niet en qua(m) alsoe/ dat de he(re)n scepen(en) van loeven(en) t(er) manisse(n) smeyers wijsde(n)/ voir een vo(n)nisse datme(n) de(n) voirs(creven) janne vande(n) voirs(creven)/ goede(n) houde(n) soude inde macht van sijne(n) scepen(en)/ brieve(n) also v(er)re dat voir hen come(n) ware p(rese)nt(ibus) py(n)noc/ rijke witte ov(er)wy(n)ge vynck(enbosch) lyntre ja(nuarii) xxx