Van arnde vand(er) borch en(de) janne va(n) ranshem/ Item nae dat de sake van gescille die gehangen heeft voe(r) meye(r)/ ende scepen(en) van loeven(en) tusscen arnde vander borch ende janne/ van ranshem die geleit sijn totten goeden wouters van ranshem/ en(de) jans sijns soens in deen zijde ende henric vander a in/ dande(re) alse van zeke(re)n gelde ende goeden die de voirs(creven) henric/ vander a op gebuert ende gehave(n) hadde uut machte van zeke(re)n/ uutdagen gedaen voe(r) gebrec van rente(n) op zeke(re) goede des voirs(creven)/ wout(er)s ende jans van ranshem gelegen [vacat]/ mette(n) rechte alsoe de voirs(creven) henric meynde daer tegen de voirs(creven)/ twee geleyde seyden hopende dat tvoirs(creven) uutdagen met rechte/ niet gesciet en wae(re) daer af beyde de voirs(creven) p(ar)tien thoenisse/ in leyden bijden raide vander stad gheremiteert en(de) bracht/ es Soe es bijden selve(n) raide inder voirs(creven) saken voe(r)/ recht uutgesproken dat de stad de voirs(creven) sake sette uut/ hue(re)n handen ende inden hoff rechts te plegen Actu(m) in/ pleno consilio februarii xii