Tvonnisse tusscen arnde natuerlijc sone h(er) arnts wile(n) pynchar/ priest(er)s die voir meye(r) en(de) scepen(en) van loeven(en) gegoet en(de)/ gearft es in alle de goede en(de) rente(n) die ware(n) des voirs(creven)/ h(ere)n arnts in deen zijde en(de) arnde en(de) symoen(e) kinde(re) symoens/ le portier marschalcx in dande(re) alse van iii mudde core(n)s/ d(er) mate(n) van gemblours erfspachts die de voirs(creven) gebruede(re)/ meynden dat hen sculdich ware(n) te volgen(e) en(de) bleve(n) na/ de doot des voirs(creven) h(ere)n arts na uutwijsen vanden brieven
//
d(air) mede de selve wile(n) h(er) art die voirmaels hadde gecrege(n)/ d(air) af de voirs(creven) ardt van pynchar de co(n)trarie meynde seggen(de)/ want de voirs(creven) h(er) art sijn vad(er) inde(n) brieve(n) vand(er) voirs(creven) gued(inge)/ ten utersten behouden hadde sijn macht om d(air) af te ordine(re)n/van [na] sijnre geliefte(n) en(de) hij naderhant scepen(en) brieve van/ loeven(en) bekindt hadde henr(ick) tamgins(ar)t de welke hem in/ alle de voirs(creven) goede gegoedt hadde gelijc hij mette(n) selven/ brieve(n) bewijsde dat he(m) de(n) voirs(creven) erfpacht sculd(ich) ware/ te volge(n) Es gewijst met desen worde(n) dat den voirs(creven)/ arnde en(de) sijnre guedinge(n) de(n) vors(creven) erfpacht volge(n) sal/ p(rese)ntib(us) o(mn)ib(us) ex(cep)[to] abs(oloens) febr(uarii) xiii