Item vande(n) stoete uutstaende tusscen lanceloet le begge in deen zijde/ ende gorde de raet als momboir claese janne katherijn kerstins/ en(de) g(er)truden sijnre kinde(re)n in sijne(n) broode wesen(de) [de welke hij h(ier) inne geloeft heeft te v(er)vaen(e)] in dande(re) alse van xxxiii/ gulden pet(er)s die de selve gord den voirs(creven) lancelote als mo(m)boir jouffr(ouwe)/ adden sijns wijfs weduwe jans wilen lavet eysscen(de) es mids dien dat/ de selve wijlen jan come(n) es en(de) heeft tselve gelt ghehaelt [en(de) doen halen] inden wissel/ te loeven(en) die [ald(air)] stonden en(de) gesedt ware(n) tot behoef ernarts wile(n) reynart/ des voirs(creven) gorts wijfs oem vanden welken des voirs(creven) gords wijf naeste erfgenaem/ es alsoe hij meyndt d(air) af de voirs(creven) lanceloet de contrarie houden(de) es/ Hebben hen de voirs(creven) p(ar)tien vande(n) voirs(creven) stoete en(de) gescille gesubmittert/ in seggere(n) en(de) vriendel(ijc) effene(re)n Te weten(e) de voirs(creven) lanceloet in arnold(us)/ kyp sec(re)tar(is) der stad van loeven(en) en(de) jan van duffle En(de) de voirs(creven) gort/ in jaq(ue)mine marike en(de) willem(me) spechts in alsulker vuege(n) dat de voirs(creven)/ gord sijne(n) eysch ov(er)geve(n) sal in gescrifte den seggere(n) des voirs(creven) lanceloets/ binne(n) iii dage(n) naestcomen(de) Dair op de voirs(creven) la(n)celoet sijn v(er)antw(er)de(n)/ maken sal en(de) ov(er)geve(n) in gescrifte den seggere(n) des voirs(creven) gorts/ binne(n) vive(n) dage(n) d(air) naest volgen(de) En(de) soe wa(n)neer de voirs(creven)/ seggere(n) aldus aensprake en(de) v(er)antwerde(n) [van beyder p(ar)tien] overhebben selen zij/ binne(n) viii dage(n) d(air) na thoenisse vand(en) voirs(creven) p(ar)tien oft hem/ yema(n)t van hen d(air) toe woude v(er)mete(n) aenhoere(n) ende d(air)ey d(air)enteynd(en)/ binne(n) viii d(age) d(air) na huer uutsprake doen eendrachtelijc/ op dat sijs eens zijn en(de) en co(n)ne(n) zij d(er) sake(n) niet samentlijc/ eens geworde(n) soe sele(n) sij san daensprake en(de) v(er)antw(er)den/ met alle tgene des voir hen come(n) sal sijn ov(er)geve(n) jonch(e)ren/ gielijse hee(re)n van gheete v [va(n) heerge] en(de) van byoen die d(air) af sijn/ uutsprake doen sal binne(n) xiiii nachte(n) [drie weken] d(air) na staphants v(er)volgen/ En(de) oft e(n)niger p(ar)tien segge(re)n gebrake dat sij in die stad eene(n)/ ande(re)n gelijken man selen moegen kiesen Promitten(tes) ratu(m) pynnoc/ rijke octobr(is) x[a]