Item van alsulken gescille als hangende es tusscen lodewijken van ramecourt/ die geleidt es tot den goeden jans wilen oskens in deen zijde ende/ lambrechte van wynge in dande(re) alse vander vrucht beyde so(m)mer ende/ wynt(er)vrucht die de selve lambrecht heeft in sijne(n) hove te wynghe/ gewassen opte goede die toe te behoere(n) plagen den voirs(creven) wijlen ja(n)ne/ oskens Soe sijn beyde de voirs(creven) p(ar)tien comen voir scepen(en) van loeven(en)/ ende hebbe(n) hen d(air) af ende van al des d(air) aen cleve(n) mach gekeert in/ seggere(n) ende vriendelike yffenere(n) Te wete(n) de voirs(creven) lodewijc in/ jannese vanden hove en(de) henricke den verme(re) ende de voirs(creven) la(m)brecht/ in meester gielise vand(er) stoct sec(re)tar(is) der stad van loeven(en) en(de) arnold(e)/ kyp sec(re)tar(is) d(er) selver stad in alsulker vuege(n) dat de voirs(creven) lambrecht/ sijne(n) eysch maken sal ende overgeve(n) den seggere(n) des voirs(creven) lod(ewijcx)/ binne(n) viii dage(n) naestcomen(de) dair op de voirs(creven) lod(ewijc) sijn v(er)antw(er)de(n)/ maken sal ende overgeve(n) den seggere(n) des voirs(creven) lod lambrechts binne(n)/ viii dagen d(air) na Ende soe wanneer de voirs(creven) seggere(n) aensprake/ ende verantwerden ov(er)hebbe(n) selen zij oft des noet zij tgetuychenisse/ van beyde p(ar)tien aenhoire(n) en(de) darenteynden huer uutsprake een/ drechtelijc doen op dat zijs eens zijn tusscen dit en(de) kersmisse/ naestcomen(de) Ende oft sijs niet en conste(n) v(er)accordere(n) sele(n) sij binne(n)/ den selve(n) tide vo(n)nisse hale(n) voir scepen(en) van loeven(en) in ald(er) maniere(n)/ oft p(ar)tien met rechte bedingt hadden En(de) oft e(n)nige vande(n) voirs(creven)/ segge(re) gebrake dat zij in die stad eene(n) ande(re)n selen moege(n) kiesen/ met alsulker condicien oft van desen dage voirt de voirs(creven) vrucht/ gepandt worden van wien dat ware dat de voirs(creven) lambrecht d(air)/ af restitucie doen sal sond(er) argelist P(ro)mitt(entes) ratu(m) cora(m) abs(oloens)/ lyntre iunior nove(m)br(is) xxiiii