Van janne de sprenge(re) s(in)te pet(er)sman/ Het sijn comen te rechte inde banc voir den meye(r) ende/ sinte pet(er)s ma(n)ne van loven(en) henric vande(n) strale wettich/ oudste bruede(r) claes wilen vanden strale van cast(er)le in deen/ zijde en(de) de voirs(creven) jan de sprenge(re) uut machte van sijnre/ vryheit in dande(re) Aldair de voirs(creven) henric den voirs(creven) janne/ aensprac seggende dat de voirs(creven) jan de sprenge(re) met/ tween ande(re)n p(er)sone(n) inden velde tegen en(de) op den voirs(creven) wilen/ claese strijtdechtich geweest wae(re) met eenen getogen(en) mes in/ welken gevechte de voirs(creven) wilen claes gewont wairt alsoe dat/ hij dair na bynne(n) ix dagen oft dair omtrent vander quetsue(re)n/ die hij ontfangen hadde aflivich wairt Seyde voirt de selve/ henric dat de voirs(creven) jan metten ande(re)n tween na dat de/ voirs(creven) claes hen in een huys om hem te bescudden ontflouwen/ was voir en(de) int selve huys op den claese strijtdechtich comen/ wae(re) ende dat de selve jan van dair qua(m) en(de) keerde/ bebloeyt metten ande(re)n gesellen samentlijc ewech gaende/ dairt hen geliefde en(de) dat de voirs(creven) jan voir tfeyt hem/ vluchtich gehouden hadde alsoe wale als dande(re) twee/ Tot desen seyde voirt de voirs(creven) henric dat henric de/ sprenge(re) des voirs(creven) jans vad(er) met e(n)nige van sijne(n) magen en(de)/ vriende(n) des ande(re)n daighs na den gevechte comen wae(re) voe(r)/ en(de) omtrent den huyse des voirs(creven) wilen claes strijtechtich o(m)me/ den voirs(creven) clase noch te evelen Seyde voirt de voirs(creven)/ henric dat der bancken en(de) des hoets recht wae(re) vander/ plaetsen dair hij gevangen was dat soe wa(n)ner men gethoene(n)/ conste dat yemant op ande(re)n in velde en(de) in gheverde/ strijtechtich wae(re) dat dien en(de) yemant dair doot bleve/ dat dan de ghene die alsoe niet strijtechtich wae(re) inder/ voirs(creven) manie(re)n en(de) vollen geverde alsoe [wale] v(er)boerde sijn
//
lijf en(de) goet alse de ghene die tfeyt vanden dootslaghe/ metter hant dade Seyde noch de voirs(creven) henric/ al woude de voirs(creven) jan seggen dat hij hem bynnen/ derden dage na dat hij aengetast was totden rechte/ hadde gep(rese)nteert meynende want de voirs(creven) henric/ tot dien dage niet aengesproken hadde dat hij dair/ o(m)me na den lant rechte quijt sijn soude Soe meynde/ de voirs(creven) henric hopende de contrarie en(de) seyde/ want de voirs(creven) jan den he(re) tot he(re)ntals inde(n) rechte/ onv(er)lett gesedt hadde en(de) hij tot he(re)ntals gevangen/ inbracht wairt des maendaighs en(de) hij dan des/ goensdaighs d(air) na trecht v(er)socht hadde dat dat/ na den rechte bynnen tijts was Cleerde voirt/ de voirs(creven) henric dat op den selve(n) goensdach tgebrec/ vanden rechte te eynden was inde wet Tot desen/ seyde hij noch dat hij de clachte vand(er) doot sijns/ bruede(rs) aen den he(re) gedaen hadde en(de) dat dair op drie/ eni(n)ghen openbair wae(re)n beseten in welk(er) eeni(n)gen/ de voirs(creven) jan vanden voirs(creven) geverdich en(de) strijtechtich(eit)/ bedragen was en(de) alle de voirs(creven) poenten en(de) elc/ van hen boet de voirs(creven) henric te bethoene(n) met/ scepen(en) met goede(n) ma(n)nen en(de) and(er)s alsoe hem des behoefde/ na den rechte en(de) metten mi(n)sten te mogen volstaen/ hopen(de) dat dair o(m)me de voirs(creven) jan de sprenge(re)/ hem tot bet(er)nissen doen soude een bedev(ar)t in cypers jair/ en(de) dach dair inne te woene(n) een bedev(ar)t s(in)te jacops/ ene(n) wech te rome(n) eene(n) te meylane(n) en(de) dair toe/ te doen doen tgebet van iii(½)[c] cloeste(re)n oft alsulken bet(er)nisse(n)/ alse s(in)te pet(er)s ma(n)nen d(air) af wijzen soude(n) wair op/ de voirs(creven) jan hem v(er)antwerden(de) dede seggen dat de/ voirs(creven) henric sijn v(er)met ne(m)mermeer thoene(n) en soude/ en(de) al volquame hij alle sijns thonisse(n) soe en soude dat/ hem eegheen onstade doen o(m)me aen p(ar)tien gebruect te hebbe(n)/ aengesien dat de voirs(creven) ja(n) niet en v(er)stonde dat de voirs(creven) henric/ yet bijleyde dat hij aen den voirs(creven) wile(n) clase handedich geweest hadde
//
want het wair wair dat alsoe hij hoepte de voirs(creven) sake/ over hem niet geduempt en souden worden na een(i)ger? ander/ bancken recht dan alleene na den rechte d(er) stad van/ loven(en) en(de) der vryh(eit) van s(in)te pet(er)s manscape Seyde/ voirt de voirs(creven) jan dat hij biden diene(re)n des schouth(eit) van/ he(re)ntals aengetast was geweest ten v(er)sueke van p(ar)tien/ op eene(n) sondach savonts omtrent x uren en(de) dat hij he(m)/ dair na p(rese)nteerde rechts te v(er)wachten des disendaighs/ d(air) na voir der noenen alse op sijnen derde(n) dach voir/ scouth(eit) en(de) scepen(en) van he(re)ntals op welke(n) dach hem/ nyemant aen en sprac Seyde voirt de selve jan/ dat dlantrecht te he(re)ntals wae(re) alse e(n)nige gevangen/ van buyten hem op hue(re)n derden dach niet beticht en/ worden dat zij dan sculdich wae(re)n ontslagen te sijne het/ wae(re) van he(re)? oft p(ar)tien Seyde voirt de voirs(creven) jan dat hij/ om der voirs(creven) saken wille niet vluchtich geweest en hadde/ mair zijd(er) den voirs(creven) dootslach met sijnen vader uut en(de)/ inne gaende gelijc sijne(n) ande(re)n bruede(re)n en(de) sijns vaders/ huysgesinde te velde te molen(en) en(de) elswair dair/ hij des behoefde sond(er) [hem] om den voirs(creven) dootslaighs wille/ yet te vluchten Tot desen seyde oic de voirs(creven) jan/ dat hij van sijnre wed(er)p(ar)tien yerst betegen w(er)t des/ goensdaighs na den sondach dat hij gevangen wairt/ welke poente(n) hij boet te thoene(n) hopen(de) d(air) o(m)me vander/ aensprake(n) ongehouden te zijne Dair op s(in)te pet(er)s ma(n)ne/ gemaent wijsden beyde de p(ar)tien tot hue(re)n bethone/ Tot welken dage de voirs(creven) henric thoende alrehande/ puenten weynich oft niet [van] sijne(n) aenleggen volcomen(de)/ ende p(ri)ncipaellijc en conste de selve henric niet/ gethoene(n) dat de voirs(creven) jan int voirs(creven) gevechte/ met hantdedich(eit) oft and(er)sins aen den voirs(creven) clase/ strijtdechtich was Na desen thoende de voirs(creven)/ jan allet ghene des hij hem in sijnre v(er)antw(er)den
//
hadde v(er)meten uutgescheiden dat tshe(re)n diene(re)n van/ he(re)ntals in hue(re)n worden seyden oft den voirs(creven) derde(n)/ dach na den rechte genomen worde vanden/ tijt vanden aentaste [buyten] oft dat zij te he(re)ntals in/ gebracht worden dwelc zij den rechte bevolen/ Tot desen thoende de selve jan noch metden/ getuygen d(air) mede de voirs(creven) henric de voirs(creven)/ strijtechtich thoene(n) woude dat de voirs(creven) jan/ inde(n) voirs(creven) gevechte met handedicheide(n) oft/ and(er)s op den voirs(creven) clase niet strijtechtich en/ was Dat gedaen hoepte henric sijnen/ eysch v(er)reyct te hebben ende de voirs(creven)/ jan meynde quijt te wezen tegen p(ar)tien/ alsoe dat ten uut(er)sten de meye(r) van loven(en)/ maende sinte pet(er)s ma(n)ne die te vo(r)en raet/ en(de) avijs met goed(er) deliberatien d(air) op gehadt/ uutgewijst en(de) uutgesproken hebben met vo(n)nissen/ en(de) met vollen gevolge dat na aensprake v(er)antw(er)de(n)/ en(de) thonisse van beyden p(ar)tien de voirs(creven) jan de sprenge(re)/ alse s(in)te pet(er)s man van loven(en) quijte en(de) ongehoude(n)/ sal sijn en(de) bliven van alsulker ticht en(de) aensprake/ alse de voirs(creven) henric te hemw(er)t gedaen hadde/ p(rese)nt(ibus) h(er) lod(ewijcke) py(n)noc ridde(r) machiele abs(oloens) willem(me)/ lomb(ar)t lod(ewijcke) de rijke claes de kersmake(re) jacoppe/ py(n)noc henr(icke) vande(n) borchove(n) ja(n)ne van opp(endorp) ja(n)ne/ vande(n) borch(oven) henricke van winxele ja(n)ne de witte/jans soen goerde roelofs wout(er) van nethen(en) woute(re)n/ py(n)noc lod(ewijcke) roelants janne van wijtvliet ja(n)ne de/ witte vranx sone joese abs(oloens) en(de) lod(ewijcke) roelofs/ m(ar)cii secunda