Van romboute vanden bossche en(de)/ ja(n)ne vander milen/ It(em) tvo(n)nisse tusschen ja(n)nise vanden hove dien met meer ande(re)n/ p(er)sone(n) voir gebrec van lijfrenten gelev(er)t en(de) in handen/ gesett sijn met meye(r) en(de) scepen(en) van loven(en) de goede/ jacops van orshagen en(de) ja(n)ne de moer die de selve goede/ van des voirs(creven) ja(n)nes wegen en(de) ande(re)n d(air) inne gericht sijnde/ te rege(re)n gemechticht was in deen zijde ro(m)boute vande(n)/ bossche en(de) ja(n)ne vand(er) milen van mechlen in dande(re)/ alse van drie boende(re)n bosch gelegen sinte katlijne(n) wave(r)/ tusschen de goede(n) die toe te behoe(re)n plagen ja(n)ne scoef/ nu des voirs(creven) jacops en(de) den wech geheten muylslijde welke(n)/ bosch de voirs(creven) ja(n)nes en(de) jan de moer meynde(n) dat hen/ sculdich wa(r)e te volgen mids seke(re)n reden(en) die zij d(air) toe
//
seyden Dair tegen de voirs(creven) rombout en(de) jan hen/ v(er)antwerden(de) dede seggen en(de) oic met brieve(n) blijken/ dat den voirs(creven) bosch voir gebrec van erfpachte bel(eit)/ en(de) uutgewonnen wa(r)e en(de) hen oft den ghenen dair zij/ de macht af hadden in handen gesedt na uutwijzen/ van seke(re)n brieve(n) d(air) af gemaect sijnde de welke/ inden rechte op den dach van thoene(n) gelesen worden/ was gewijst met desen worden dat de scepen(en)/ van loven(en) met hue(re)n vo(n)nissen setten beyde p(ar)tien/ inden hof vande(n) voirs(creven) goede(n) rechts te plegen/ p(rese)nt(ibus) pynnoc witte ov(er)wynge vynck(enbosch) lynt(er)/ m(ar)cii xviii