It(em) de voirs(creven) jannes vanden hove heeft geconsenteert en(de)/ gewillecoert eest alsoe dat de voirs(creven) gheert hem betaelt/ tusscen dit ende van sinte andries dage lest leden bynne(n)/ drie jae(re)n deen nae dander volgende lxxx mudde rocx/ goet ende payabel der maten van loven(en) ende hem die teene(n)m(ale)/ levert bynne(n) loven(en) daer jannes dat best gelieve(n) sal/ datme(n) dan de voirs(creven) gelofte en(de) oec de goedinge waert/ dat die gesciet wae(re) ter stont [a(n)nichile(re)n] en(de) te nyeute doen sal/ oft gheert die overleve(re)n Ende dat oic de voirs(creven)/ gelofte en(de) desgelijcx de hue(r)inghe goedinge oft zij/ hie(re)nbynne(n) gesciede te dien eynde alhier ond(er) die/ clercke bliven selen totten eynde vande(n) drien jae(re)n/ voirs(creven) cor(am) eisd(em)