SAL7339, Act: V°215.2-R°216.1 (270 of 450)
Search Act
previous | next
Act V°215.2-R°216.1  
Act
Date: 1445-01-30

Transcription

2019-03-07 by Jos Jonckheer
Cont zij allen liede(n) dat b(er)thelmeeus smisma(n) in p(rese)ncia/
heeft genome(n) en(de) bekent dat hij genome(n) heeft jege(n)/
gorde rolofs na(tuer)lijc de goede hier onder bescreve(n)/
Inden yerste(n) omtrent iii dach(mael) ma lants gelege(n) opde/
voirtstrate(n) tussce(n) vaes zeg(er)s en(de) janne de hont/
It(em) omtrent v dach(mael) lants gelege(n) bove(n) de moele(n)/
te voirde tussce(n) den voirs(creven) vaze en(de) henr(icke) ballinc/
It(em) i boend(er) lants gelege(n) aende(n) thienssce(n) wech tussce(n)/
de goede jans de hont en(de) en(de) de(n) voirs(creven) gorde Te/
houde(n) te hebbe(n) en(de) te wynne(n) van halfm(er)te naestcomen(de)/
eene(n) t(er)mijn van vii jare(n) lang v(er)volgen(de) Elcx/
jaers d(air)enbinne(n) om vii mudde(n) rocx goet en(de) payabel/
d(er) mate(n) van loeven(en) alle jare ts(in)te andries(misse) ap(oste)ls/
te betale(n) en(de) te loeven(en) te levere(n) q(uo)l(ibet) ass(ecutum) It(em)/
es vorw(er)de dat de voirs(creven) wy(n)ne de voirs(creven) lande/
binne(n) den leste(n) seste(n) jare vande(n) voirs(creven) t(er)mijne/
wel en(de) loflijc eens ov(er)meste(n) sal en(de) te(n) uutgane/
va(n)d(en) voirs(creven) t(er)mijne(n) sal de selve wy(n)ne va(n)de(n)/
voirs(creven) lande een boend(er) bezaeyt late(n) op met rogge/
op iiii getidege vore(n) en(de) dand(er) lande een boend(er)/
d(air) af storte en(de) dand(er) brake en(de) de voirs(creven) wynne/
en sal de voirs(creven) lande binne(n) de(n) leste(n) iii jare(n)/
niet moge(n) hoervruchte(n) En(de) es vorw(er)de oft/
de voirs(creven) gord de voirs(creven) lande va(n)de(n) he(re)n vande(n) p(er)cke/
te(n) uutgane vande(n) voirs(creven) t(er)mijne wed(er) inname
//
dat de voirs(creven) wynne die wed(er) hebbe(n) soude op de manie(r) dat/
de voirs(creven) gorde die wed(er) neme(n) soude en(de) nyema(n)t anders/
vynck(enbosch) lyntre iunior ja(nuarii) xxx
ContributorsWalter Winnelinckx
Moderated byWalter Winnelinckx
Last update: 2016-11-15 by Jos Jonckheer