SAL7339, Act: V°220.1 (276 of 450)
Search Act
previous | next
Act V°220.1  
Act
Date: 1445-02-06

Transcription

2019-03-06 by Jos Jonckheer
Van roelove roelofs/
It(em) tvo(n)nisse tusschen lodewijcke merx voirspreke in deen zijde/
en(de) roelove roelofs in dande(re) alse van dat de voirs(creven) roelof/
alsoe de voirs(creven) lod(ewijck) opdede den selve(n) lodewijcke met/
onbehoirliker worden aengaende sijnre ee(re)n toegesproken soude/
hebben de welke hij ond(er) meer ander reden(en) boet te thoenen/
en(de) oic aen den selve(n) lodewijcke tot tween stonden deen na/
den ande(re)n hande aen hem handedich geweest soude/
hebben dwelc hij den selve(n) roelove ov(er)gaf tot sijnre/
eedt oft p(rese)nteerde dat selve te houden op welc/
aensprake de voirs(creven) roelof alligeerde hopende want/
de voirs(creven) handelinge tot eene(n) male geschiet wae(re) dat/
dair o(m)me de voirs(creven) lodewijc met alsulke(n) div(er)sen/
aenspraken dair inne hij in so(m)mige poente thonisse/
inne leyde op hem niet voirtvae(re)n en soude mair/
te vreden staen metten eenen Op dwelc de scepen(en)/
worden gemaent ende na dat zij gewijst hadden/
dat de voirs(creven) lod(ewijck) op deen zijn aensprake sluyten soude/
en(de) de selve lod(ewijck) dien vo(n)nisse navolgende den voirscr(even)/
roelove ten slote beteech vand(er) voirs(creven) handedich(eit) dair/
af hij hem den eedt deylde den welken de voirs(creven)/
roelof aen nam en(de) dede Was gewijst met desen worden/
dat de voirs(creven) roelof gestaen soude metter onschout/
die hij gedaen hadde p(rese)nt(ibus) pynnoc rijke witte/
ov(er)wynge vynck(enbosch) lyntre iu(n)ior febr(uarii) sexta
ContributorsWalter Winnelinckx
Moderated byWalter Winnelinckx
Last update: 2016-11-15 by Jos Jonckheer