It(em) willem loerkens and(er)s geheten kempene(re) wonende te e(re)nboudeghem/ bij holsbeke in p(rese)ncia heeft gehuert en(de) bekint dat hij gehuert heeft/ tegen gorijse van wynghe de beemde hier na bescreve(n) des selfs gorijs/ Te weten inden yersten een stuck beemts gehete(n) de torfpoele gelegen/ te e(re)nboudeghem tusschen de goede goerts van rode comende mette(n) ene(n)/ eynde tot aen de goede des voirs(creven) gorijs Item ond(er)half dachmael beemts/ gelegen te dutsele ge inde vloeghbeemde neesten goeden jans stamelart/ It(em) een half boender beemts gelege(n) te holsbeke achter der kinde(re) swaerseg(er)s/ neesten goeden jans van rode en(de) jans de pryke(re) It(em) een half boender/ beemts gelege(n) aen de pet(er)sbeemde op de waterleyde Te houden ende/ te hebben van inganc meye neestcomen(de) ene(n) t(er)mij(n) van ix ja(r)en/ lang deen nae dand(er) staphans sond(er) middel volgende Elx jaers/ da(r)en bynne(n) o(m)me en(de) voir xi hollansche gulden(en) alle ja(r)e sinte jans/ misse te betalen en(de) inden wissel te loeven(en) te levere(n) Des es vorw(er)de/ dat dierste payment d(aer) af vallen en(de) v(er)schijne(n) sal van sinte jans/ misse bap(tis)[ten] neestcomen(de) over jaer en(de) niet eer en(de) dan van [alle] ja(r)e xi/ hollan(sche) gulden(en) den t(er)mij(n) voirs(creven) due(re)nde quol(ibet) ass(ecutu)[m] Item es vorw(er)de/ dat de voirs(creven) willem kempene(re) den voirs(creven) beemt gehete(n) torfpoele/ alle ja(r)e voir sinte jansmisse maeyen ende hoyen sal ende van/ dan voirt aen den selve(n) beemt nae hue(re)n sinen last behoirlijc/ met sine(n) beesten etten It(em) es noch vorw(er)de dat de voirs(creven) willem/ de grechten van allen den voirs(creven) beemden jairlijcx mette(n) haecke/ houden in goeden state ov(er)wynge vynck(enbosch) aprilis s(e)c(un)da