It(em) meester gheert van vermer cureyt van meylhem renu(n)c(ians) quo ad ista p(ri)vil(egiis)/ univ(er)sitat(is) studii lovan(iensis) en(de) h(er) jan piramus priesters p(ro)chiaen der kerken van/ laetwijc in p(rese)ncia hebben genomen en(de) bekint dat sij genome(n) hebben jegen/ meestere(n) janne van hug(ar)den alle de goede lande ende bossche den outaer/ van sinte pet(er)s capelle ende den outaer van sinte jans baptisten inde/ prochie van meylhem gelegen toebehoiren(de) Te houden en(de) te hebbe(n) eene(n)/ t(er)mijn van ix jare(n) lang deen na dander sonder middel volgen(de) elcx/ jaers darenbinne(n) op den co(m)mer en(de) last d(air) voir uutgaen(de) en(de) om vii/ guld(en) rijd(er)s d(er) mu(n)ten (et)c(etera) an(te) dat(um) p(rese)nt(e)m monetat(os) alle jare te beloken(en)/ paesschen te betalen den voirs(creven) t(er)mijn dueren(de) et i(n) ca(m)bio op(idi) lovan(iensis) delib(erandum) en(de)/ telke(n) t(er)mijne als v(er)volchde schout Met alsulker voirw(er)den dat de/ voirs(creven) ii p(er)sone de bossche d(air) toe behoiren(de) niet bloeten [noch afhouwen] en selen moegen/ dan van viii jaren te viii jare(n) ende dopgaende houdt en selen sij niet/ moegen houwen maer truncken tsijne(n) meesten p(ro)ffijte Ende eist dat zij/ dair e(n)nige verdroechde boeme afhouwen soe es vorw(er)de dat sij dair/voe(r) dair voir elken [d(air) af] ii leven(de) poeten vanden selve(n) aerde setten selen/ ende de lande d(air) toe hoiren(de) selen sij houden werve(n) en(de) meste(n) gelijc/ reengenoete(n) boven ende beneden Ende eist dat desen voirs(creven) t(er)mijn/ duerende van wegen der voirs(creven) capelrien ende outare e(n)nige laste en(de)/ coste van subsidien van wegen tshe(re)n van luydecke te betalen quame(n)/ soe hebben de voirs(creven) ii p(er)soene(n) dat altoes geloeft te betalen en(de)/ te voldoen sond(er) cost des voirs(creven) meester jans Voirt es vorw(er)de waert/ dat de voirs(creven) meester jan binne(n) desen voirs(creven) t(er)mijne dair selve/ resideren woude dat hij dan de voirs(creven) goede selve aenveerden/ soude moegen in alre maniere(n) oft hij die niet uutgegeve(n) en/ hadde sonder yemants wed(er)segge(n) Voirt selen de voirs(creven) ii p(er)sone(n) sculd(ich)/ sijn op elken vanden voirs(creven) twee outare den voirs(creven) t(er)mijn dueren(de) alle weke(n)/ te doen een misse oft die te doen doen En(de) oft d(air) e(n)nich gebreck in/ viele i(n) e(n)nig(er) maniere(n) soe hebbe(n) sij dat geloeft te richte(n) en(de) te voldoen/ sonder cost des voirs(creven) meest(er) jans Et p(ri)m(us) vynck(enbosch) lynte(r) oct(obris) xiii