Wij jaspar absoloens en(de) ardt van vynck(enbosch) scepen(en) van loeven(en) doen/ cond eene(n) yeg(eliken) dat voir ons come(n) sijn arndt vynck lodewijck/ vande(n) meesberge gord pirart en(de) jan storm alse seggere(n) genome(n)/ van lodewijken van schore en(de) h(er)ma(n)ne van bo(m)male op alsulke(n) gescille/ of eysschen als zij doen tot den andere(n) uut staende hebbe(n) mochte(n)/ hebbe(n) tot den dage toe van heden gelijc tco(m)promis dair af voir scepen(en)/ van loeven(en) gevesticht begrijpt Ende hebben huer uutsprake gedaen alsoe hier/ na volcht Inden yerste(n) dat h(er)man van bo(m)mele den voirs(creven) lod(ewijck) binne(n) eenre/ maent naestcomen(de) vesticheit doen sal voir scepen(en) van loeven(en) te betale(n) xxxii/ pet(er)s Te wete(n) viii pet(er)s d(air) af te kersmisse naestcomen(de) viii pet(er)s d(air) af/ te grote vastelavonde d(air) naest volgen(de) viii pet(er)s te paesscen d(air) na en(de)/ viii pet(er)s d(air) af te sinxen(en) dat d(air) na naestvolge(n) sal en(de) des sal de/ voirs(creven) lod(ewijck) behoude(n) in sijne(n) handen alsulke(n) wijne en(de) goet als liggen/ en(de) sijn in sijne(n) keldere en(de) huyse den voirs(creven) h(er)ma(n)ne toebehoiren(de) tot dat/ de vestich(eit) gesciet sal sijn en(de) oft hij de vesticheit niet en doet sal lod(ewijck)/ aen tselve goet sijn payme(n)ten verhalen en(de) neme(n) en(de) de voirs(creven) lod(ewijck)/ en sal egheene(n) cost moege(n) reken(en) vanden selve(n) wijne(n) te houden Voirtane/ sal herma(n) de(n) voirs(creven) lod(ewijck) betale(n) ix salute(n) binne(n) xiiii nachte naestcomen(de)/ alse van huyshueren t(am)q(uam) ass(ecutu)[m] En(de) hier mede selen sij van allen sake(n)/ geslete(n) sijn nove(m)bris xii