It(em) jan de ke(m)me(re) van herent in p(rese)ncia heeft genome(n) en(de) bekint dat hij genome(n)/ heeft van jacoppe(n) van glymez va(n) opgeldenake thof gehete(n) van heybromez/ des selfs jacops mette(n) huyse(n) hove(n) wynnen(de) lande beemde(n) eeussele(n) [wijng(ar)de] en(de)/ anderen sijne(n) toebehoirte(n) uutgenome(n) een boend(er) lants dwelc de voirs(creven)/ jacop te hemw(er)ts behoudt voir dwelc de voirs(creven) jacop de(n) voirs(creven)/

wynne bewijst heeft een and(er) boend(er) lants Te houde(n) te hebbe(n) [en(de)] te wy(n)ne(n)/ van halfm(er)te dat was int jaer ons he(re)n xiiii[c] xliii eene(n) t(er)mijn/ van ix jare(n) lang deen na dand(er) sond(er) middel volgen(de) Elcx jaers/ d(air)enbinne(n) om xx mudde(n) corens d(er) mate(n) pacht en(de) mate(n) van/ geldenaken en(de) om xx rijd(er)s mo(ne)[te] (et)c(etera) te wete(n) tvoirs(creven) core(n) te loeven(en)/ s(in)te andriesmisse te betale(n) en(de) te loeven(en) te leveren en(de) tvoirs(creven) gelt/ half ts(in)te lambrechts dage en(de) half te paessce(n) te betalen alle jare/ de(n) voirs(creven) t(er)mijn dueren(de) quol(ibet) ass(ecutu)[m] It(em) es vorw(er)de dat/ de voirs(creven) wynne de voirs(creven) lande wel ende loflijc wy(n)ne(n) w(er)ve(n)/ en(de) meste(n) sal gelijc sijne(n) reengenote(n) bove(n) en(de) benede(n) It(em) sal noch/ de voirs(creven) wynne voir de wyng(ar)de jaerlijcx geve(n) en(de) betalen te(n) wij(n)tide/ den voirs(creven) jacoppe(n) een ame wijns It(em) sal de selve wy(n)ne jaerlijcx/ in tvoirs(creven) hof moete(n) v(er)decke(n) iiii[c] walme(re)n en(de) soe wanneer me(n) die/ ald(air) verdect sal de voirs(creven) wy(n)ne den werclieden de(n) montcost geve(n)/en(de) jacop die dachuere(n) betalen It(em) es ond(er)sproken dat de voirs(creven)/ wy(n)ne den voirs(creven) jacoppe(n) houde(n) en(de) vueden sal ii vercken(en) ende/ een ledich rent des sal de selve wy(n)ne voir he(m) moegen/

houde(n) en(de) jaerlijcx late(n) weyden op dbosch des selfs jacops dwelc/

ande(re) wy(n)ne(n) plagen te hebben drie jaer oudt sijnde vijf/

coeyen It(em) want de voirs(creven) jacop de(n) voirs(creven) wy(n)ne geleent/ heeft te sijne(n) aencome(n) viere(n)twintich peters en(de) x mudde/ so even(en) soe have(re) soe es vorw(er)de(n) dat hem die de voirs(creven)/ wy(n)ne wed(er)o(m)me sal betale(n) q(uo)l(ibet) ass(ecutum) binne(n) sesse jare(n) naestcomen(de)/ q(uo)l(ibet) ass(ecutu)[m] It(em) sal de voirs(creven) wy(n)ne de(n) voirs(creven) jacoppe(n) moete(n)/ sayen een halster lijnzaets alle jare de(n) voirs(creven) t(er)mijne dueren(de)/en(de) tzaet sal de voirs(creven) jacop moete(n) bewise(n) en(de) de wy(n)ne dlant/

d(air)me(n) dat op zayen sal It(em) sal de voirs(creven) wy(n)ne te(n) uutgane/ van sijne(n) t(er)mijne de voirs(creven) lande late(n) besaeyt op sijne getidege(n)/ vo(r)en Te weten elf boende(r) met coren besaeyt g de we elc/ boende(r) d(air) af gescat op v mudde corens de stortte en(de) brake eens/ omgedaen en(de) oft ten uutgaene vande(n) voirs(creven) t(er)mine de voirs(creven) elf boend(er)/

beter wae(re)n te weten elc boende(r) dan v mudde [corens] dat sal de voirs(creven)/

jacop den wynne moten oprichten en(de) oft zij arger wae(re)n [en(de) oft de lande vande(n) xi boende(re)n arg(er) wae(re)n dan elc boender vijf mudde] dat/ sal de voirs(creven) wyn den selve(n) jacoppe moten restitue(re)n inde est/ fideiussor walterus ke(m)me(re) f(rate)r d(i)c(t)i joh(ann)is et p(ri)m(us) witte/ lint(er) no(vembris) xiiii