It(em) uut dien dat willem van kinckem tande(re)n tiden bide(n) he(re) en(de) der stat/ gecorrigeert es geweest op bedev(ar)de d(air) voe(r) hij den rentmeest(er)/ vand(er) stat en(de) geloefde en(de) oec verborghde de voirs(creven) borg(en)/ v(er)socht hebben dat de voirs(creven) bedev(ar)de mochten worden gecuelt/ vanden gelde onbetaelt uutstaende dat de voirs(creven) willem/ alse momboir sijns wijfs jairlijx heeft hue(r) leefdage lanc/ due(re)nde op seke(re) goeden bynne(n) loven(en) gelegen toebehoe(re)nde/ der weduwen jans wilen vand(er) bruggen en(de) hue(re)n kinde(re)n/ Soe eest [dat] de raet vand(er) stat get(er)mineert heeft dat/ de voirs(creven) weduwe vand(er) voirs(creven) gevallend(er) renten betale(n) sal/ en(de) cuelen op de(n) register vander stat de so(m)me van xx pet(er)s/ die de voirs(creven) willem der stat sculdich was en(de) dat de/ selve weduwe met dier betalingen sal gestaen sonder/ dat de voirs(creven) willem oft yemant and(er)s van dier so(m)men/ yet meer eysschen oft v(er)volgen selen mogen Ende dat/ de stat der voirs(creven) weduwen en(de) hue(r) goede vand(er) voirs(creven) so(m)men/ warant sal sijn en(de) bliven Actu(m) in pleno consilio p(rese)nt(ibus)/ vynck(enbosch) lyntre iunior t(am)q(uam) scab(inis) decembr(is) xii