It(em) henric cloet in p(resen)cia heeft verhuert [wout(ere)n claes ha(n)tschoemek(er)] sijn huys oft craem/ staende aenden kerchof te loeven(en) d(air)me(n) de messe inne te v(er)coepe(n)/ pleecht tusscen tcraem aerts eycmans gehete(n) bolle en(de) tcraems/ des voirs(creven) wout(er)s Te houden en(de) te hebben van beloken(en) paesschen/ naestcomen(de) eene(n) t(er)mijn van ix jaren lang deen na dand(er) middel/ volgen(de) Elcx jaers d(air)enbinne(n) om viii salute(n) d(er) mu(n)te(n) sconi(n)cx/ van vrancrike oft van yngelant te xxiiii stuv(er)s den saluyt/ gerekent Te wete(n) tallen halve(n) jare vier salute d(air) af [te bet(alen)] q(uo)l(ibet) ass(ecutu)[m]/ En(de) ter meerd(er) sekerheide(n) hier af te doene heeft de voirs(creven) wout(er)/ den voirs(creven) henr(ic) ten wettige(n) ond(er)pande gesedt met orlove/ tshe(re)n vande(n) gronde sijn craem oft huyske(n) voirs(creven) gelege(n) tussce(n)/de tcraem des voirs(creven) henr(icx) cloets en(de) de tolcame(r) rijke lynt(er)/ iu(n)ior febr(uarii) xxiii