Van lancelot le begge/ Tvo(n)nisse tusscen lancelot le begge in deen zijde en(de) janne robijn/ in dandere alse van zekere(n) goeden en(de) rente(n) die toe te behoiren/ plagen lanette wilen biesewail de welke de selve jan in sdeels/ te hemw(er)t hadde getoge(n) alse een vande(n) erfgename(n) des voirs(creven)/ wile(n) lanets en(de) sijns wijfs d(air) jege(n) de voirs(creven) lancelot dede/ segge(n) dat hij in gebreke ware vander betalinge(n) van/ vijftich mudden tarwe(n) die hij als mo(m)boir jouff(rouwe) adilen sijns/ wijfs weduwe jans wile(n) lanet d(er) selver jouff(rouwe) leefdach/ lang sculd(ich) ware te hebben te huerre duwarien op alle/ de goede voirs(creven) Hopende dat hem en(de) sijne(n) beleyde en(de) na/ de gewijsde vo(n)nisse(n) he(m) d(air) af tandere(n) tide(n) gegeve(n) die/ geregistreert staen xix dage in mey int jaer van xl/ de voirs(creven) geheel goede in hande(n) blive(n) soude(n) tot dat/ he(m) volcome(n) betalinge soude sijn gesciet Was gewijst/ met desen woirden na aensprake en(de) v(er)antwerde(n) van/ beyde p(ar)tie(n) en(de) na tgene des voirtide(n) d(air) af gewijst/ es geweest datme(n) de(n) voirs(creven) lancelot inde voirs(creven)/ geheel goede houde(n) sal tot der betalinge(n) toe van/ vijftich mudde tarwe(n) tsjaers na uutwijsen vande(n) voirs(creven)/ vorste(n) vo(n)nisse p(rese)ntib(us) py(n)noc rijke witte ov(er)wy(n)ge vynck(enbosch)/ lyntre iunior febr(uarii) sexta [xiii] a(n)no xiiii[c] xliiii