Item na dat de sake van gescille uutstaende tussce(n) ev(er)arde carpeal/ die met scepen(en) br(ieven) va(n) loeven(e) geleidt es tot de(n) haeflike(n)/ goeden adelen weduwe jans wile(n) sohal jans van joncoit uut/ machte van eenre gelofte(n) van lx mudde corens die de voirs(creven)/ jan van joncoit voir scepen(en) van loeven(e) bekindt hadde ja(n)ne/ wilen sehal welc gelofte adele weduwe des voirs(creven) wile(n)/ jans den voirs(creven) ev(er)arde ov(er)gegeve(n) hadde in deen zijde en(de)/ den voirs(creven) ja(n)ne va(n) joncoit in dande(re) alse van ii bedden met/ huere(n) toebehoirte(n) iiii witte ketels ii swerte ketels eenen/ grote(n) ketel iiii mottelen potte panne(n) ii ysere(n) pa(n)ne(n) een/ lavoir v vierdel en(de) een hespe vleeschs iii ti(n)ne(n) potte/ ii p metale(n) potte xii schotelen ii g(ro)te ti(n)ne(n) scotelen/ ii candelers een dobbelier een mans heuycke sijne(n) keerle/ ix stuv(er)s en(de) eene(n) lieliart iiii duecke die sijnre maerte(n)/ toebehoirde(n) een coe eene(n) wage(n) en(de) alle tgetouwe dat/ dair toe behoirt ende iii mudde corens Welke have de/ voirs(creven) ev(er)art de(n) voirs(creven) ja(n)ne afgepandt hadde uut machte/ vande(n) voirs(creven) beleyde to(n)rechte also de voirs(creven) jan van joncoit/ dede allegere(n) sund(er)linge bij dien dat de voirs(creven) gelofte van/ lx mudde corens bekindt was in sekerheide(n) vand(er) pechti(n)ge(n)/ van eene(n) goede dat de voirs(creven) jan va(n) joncoirt voirtide(n)/ gehoude(n) hadde welc pechti(n)ge volcomelijc v(er)nuecht/ was gelijc de selve jan volcomelijck thoende bij de(n) he(re)n/ scepen(en) van loeven(e) geremitteert es ind(er) stad handen Soe/ heeft de raet vand(er) stad op hede(n) get(er)mi(n)iert voir reden(en)/ en(de) recht na alle tgene des tot der sake(n) es gesciet/ en(de) voir scepen(en) van loeven(e) gethoent dat de voirs(creven) ev(er)art/ met sijne(n) voirs(creven) beleide aen de voirs(creven) have v(er)doelt ware/ en(de) dat hij die de(n) voirs(creven) ja(n)ne van joncoit sal restituere(n)/ act(um) in pleno co(n)silio maii quinta a(n)no xiiii[c] xlv