Tvo(n)nisse vanden ghedinghe dat ghehanghen heeft inde banc voe(r)/ meye(r) en(de) scepen(en) van loven(en) tusschen jaq(ue)mairde van fockarmont/ in deen zijde ende janne mytsart in dande(re) alse van twee boende(re)n/ lants gelegen te genevail metten vruchten dair op staende de/ welke de voirs(creven) jaq(ue)mair aensprack met zeke(re)n worden die hij/ dair toe dede seggen Es gewijst met desen worden alsulke aen/ sprake als de voirs(creven) jaq(ue)mair gedaen hadde dat die den voirs(creven)/ jan mytsairt egheene onstaede doen en sal p(rese)n(ti)[b(us)] py(n)noc rijke/ abs(oloens) witte ov(e)wynghe vinck(enbosch) lynte(r) iunior aug(usti) quarta