It(em) om deswille dat de voirs(creven) jan m(er)chant die van magr(iete) svrijens sij(n)re/moeder weduwe jans wilen m(er)chants gegoedt es en(de) overheeft alle de/goede beyde have en(de) erve die d(er) voirs(creven) magr(iete) verstorve(n) zijn en(de) toecome(n)/na de doot van beatrice(n) wile(n) svrien mette(n) rechte ond(er) tvo(n)nisse va(n)/luydec en(de) elswair de selve goede qualijc v(er)antwerde(n) can jege(n) de p(ar)tien/die de voirs(creven) v(er)sterfenisse oec mede te henw(er)t trecke(n) willen d(aer)/o(m)me wael behoeft de sake(n) met coste en(de) goede(n) toesiene v(er)volcht/te worden soe eest dat de voirs(creven) jan die een simpel man es/en(de) hem srechts weynich v(er)steet eens worde(n) es met jacoppe(n) ute(n) /lyemi(n)gen dat de voirs(creven) jan en(de) jacop same(n)tlijc de voirs(creven) goede/met rechte te gelijkerhant v(er)volge(n) selen en(de) wes coste(n) d(aer) toe/selen behoeve(n) gedaen oft verleeght te worde(n) oft oec v(er)leecht/sijn geweest zijder groet vastelavont lestlede(n) tot de(n) eynde vand(er)/sake(n) het sij met borge(n) te sette(n) oft ghelt te verleggen/dat sele(n) de selve jan en(de) jacop gelijc verlegge(n) en(de) oft ten/uterste(n) de sake met rechte worde v(er)lore(n) soe en sal negheen/va(n) hen va(n) sijne(n) v(er)liese oft v(er)legge(n) richtinge moege(n) hebben/en(de) inde(n) gevalle dat de sake te(n) uterste(n) gewo(n)ne(n) worde so/sullen de selve jan en(de) jacop dat gewin hebbe(n) ende deylen te /gelijke Behoudelijc dien dat des voirs(creven) jans moeder huer/tocht en(de) g vry gebruyck soude behoude(n) inde onberuerlijke en(de)/erfgoede die den voirs(creven) ja(n)ne aengewijst sulle(n) moege(n) worde(n)/also lange als zij leve(n) sal en(de) oft de voirs(creven) jacop in dese(n) gebrec hadde/het ware om te gecrige(n) tgene des hij meer dan deen helicht vande(n)/v(er)volge te laste hadde gehadt oft oec dat de voirs(creven) jan hem tvoirs(creven)/gewo(n)ne(n) goet niet en lyete volge(n) ind(er) vuege(n) voirs(creven) dat hij he(m) dan mette(n)/voirs(creven) schoutbr(ieve) en(de) beleyde d(aer) uut gedaen soude moege(n) behulpe(n) ende/anders niet cor(am) eisd(em)