It(em) want lijsbeth vande(n) velde natuerlijc docht(er) jans vande(n) velde/die hij heeft van marien swynne(n) geheten draye(re) gevo(n)nist [heeft] zeke(re)/scepen(en) brieve(n) van loven(en) spreken(de) van sesse fiertelen rox der/maten van mechlen erfpachts alle jae(re) s(in)te andries misse apostels/te betalen die de selve lijsbeth heeft aen en(de) op een stuck/beemts houden(de) twee boende(r) toebehoe(re)nde willem(me) vande(n)/bossche geheten inde scale van mechlen gelegen te ryemana(m)/tusschen de boeme(n) en(de) goede(n) henrix de bijn en(de) neestden/goeden der kinde(re)n jans wilen vand(er) a en(de) jans van heffene(n)/en(de) tselve vo(n)nisse openbairlijc gewijst heeft dat de/selve lijsbeth trecken soude op de voirs(creven) pande en(de) vonde/zij ald(air) te panden dat zij panden soude en(de) en vonde zij/niet te panden dat zij dan voirtvae(re)n soude met rechte/op welke pande de voirs(creven) lijsbeth navolgen(de) den voirs(creven)/vo(n)nis getogen es ald(aer) zij niet te panden bevonden en heeft/Soe dat hue(re) de selve pande met meye(r) en(de)/scepen(en) van loven(en) voir gebrec van huer voirs(creven)/renten met coste en(de) co(m)mer van rechte dair/op gelopen gelevert zijn en(de) in handen gestelt/cor(am) pynnoc voshem febr(uarii) ix