It(em) jan vande(n) zijpe gehete(n) capelleman in p(rese)ncia heeft genome(n)/ende bekint dat hij genome(n) heeft van woute(re)n vynck/thof des selfs wouters gelege(n) te seve(n)te(m)me(n) inde p(ro)chie/van meerbeke mette(n) huyse(n) hove(n) wynnen(de) lande(n) bogarde(n) en(de)/andere(n) sijne(n) toebehoirte(n) uutgenome(n) xi dach(mael) lants gelege(n) aen/de mijleycke twee boende(r) lants dair neve(n) ter to(m)me(n) w(er)t aen/en(de) noch v dach(mael) op de selve plaetsse vii dach(mael) lants belege(n)/ov(er) dand(er) zijde(n) vand(er) strate(n) ald(aer) It(em) (½) boend(er) d(aer) benede(n)/gelege(n) It(em) i(½) dach(mael) op de langloe belege(n) It(em) terdel va(n)/eene(n) boender gelege(n) aldar It(em) noch ii dach(mael) op tselve velt/te houde(n) te hebbe(n) ende te wynne(n) van halfmeye/naestcomende eene(n) t(er)mijn va(n) ix jare(n) lang v(er)volgen(de)/elx jaers d(aer)enbinne(n) om de helicht van alle(n) de(n)/vruchte(n) en(de) coirne op de voirs(creven) goede jaerlijcx wassen(de)/Ende soe wanneer de selve vruchte(n) tijtverdich selen/zijn sal de wy(n)ne de selve op sijne(n) cost af doen/doen inde(n) banc leveren en(de) des voirs(creven) wout(er)s helicht/dyerste voeder en(de) alsoe altoes ov(er) dander voeder inde/schue(re) vueren en(de) oft de voirs(creven) wout(er) ald(aer) alsdan eene(n)/knape soude dien soude de wy(n)ne sijne(n) montcost geve(n)/En(de) soe wa(n)neer des voirs(creven) wout(er)s helicht gedorssten sal/zijn sal de voirs(creven) wynne coore(n) d(aer) af comende te loeven(en)/bringen ende levere(n) en(de) alsdan sal hij hebbe(n) sijne(n) mo(n)tcost/en(de) oec tcaf vand(er) voirs(creven) helicht comen(de) It(em) sal de voirs(creven)/wy(n)ne de voirs(creven) lande wel en(de) loflijc wy(n)nen werve(n) en(de)/meste(n) en(de) alle tstroe vande(n) voirs(creven) goeden jaerlijcx comen(de)/int voirs(creven) hof bringe(n) met sijne(n) beeste(n) ald(aer) ette(n) en(de)/te meste make(n) en(de) tselve mest op t voirs(creven) landt vuere(n)/tslants meeste(n) p(ro)fite [alsoe wel te(n) verste(n) als ten naeste(n)] en(de) oft de voirs(creven) woute(re) e(n)nich/mest cochte tev(er)sb(er)ge te meerbeke te leefdale te/berthe(m) oft d(aer) omtrent dat sal de voirs(creven) wy(n)ne met /sijne(n) wagen(e) en(de) p(er)den moege(n) [moeten] hale(n) op sijne(n) cost en(de) dat
//
vuere(n) op tvoirs(creven) lant [ind(er) mate(n)] als voe(r) en(de) oec de messie vande(n) voirs(creven)/hove van meste te sijne(n) afsceyde(n) geydelt en(de) geruympt/laten It(em) es vorwerde dat de voirs(creven) wynne de voirs(creven) lande late(n)/sal te sijne(n) afscheyde(n) alsoe hij die vandt te sijne(n) aencome(n)/te wete(n) iii boend(er) met tarwe(n) viii boend(er) met rogge(n) alle op/hue(re) iiii getidege voe(re)n iii boend(er) met gherste(n) op iii getidege/vore(n) en(de) ix boend(er) met evene(n) ope twee vore(n) en(de) de brake/eens omgedaen It(em) en sal noch en mach de selve wy(n)ne/de voirs(creven) lande de ii leste jare(n) va(n) sijne(n) voirs(creven) t(er)mijne niet/hoervruchte(n) It(em) de voirs(creven) wy(n)ne moet te(n) leste(n) jare/van sijne(n) t(er)mijne bove(n) des voirs(creven) es een half mudde erwete(n)/inde storte besaeyt late(n) It(em) sal de voirs(creven) wy(n)ne jaerl(ijcx)/halen viii voeder merghels op sijne(n) coste d(aer) de voirs(creven)/wouter hem die bewijsen sal op alsoe dat de voirs(creven) wout(er)/die betalen sal en(de) die m(er)gel voere(n) op tvoirs(creven) lant/tslants meeste(n) p(ro)fite It(em) sal de voirs(creven) wynne int voirs(creven)/hof jaerlijcx levere(n) xl mandele(n) walme(re) en(de) soe/wa(n)neer me(n) die verdect oft and(er) werc van plecken/van ty(m)mere(n) oft oec anderssins aen de voirs(creven) huyse werct/sal de voirs(creven) wynne den wercliede(n) den mo(n)tcost tot xii/dage(n) lang geve(n) en(de) de voirs(creven) wout(er) de dachue(re)n betalen/Ende de wynne sal oec de huysinge vander ond(er)ster/rijkele(n) ned(er)w(er)t houde(n) wel en(de) loflijc op sijne(n) cost It(em)/sal de voirs(creven) wynne de voirs(creven) goede houde(n) sijne(n) t(er)mijn/lang duerende wel ende loflijc gegricht en(de) bevreet/en(de) die alsoe late(n) It(em) sal oec de voirs(creven) wy(n)ne jaerl(ijcx)/de(n) voirs(creven) t(er)mijn dueren(de) betalen de(n) chijs uut den voirs(creven)/goede(n) gaende Te wete(n) viii cap(uynen) en(de) vi mol(envate) corens/aen alrehande p(er)sone en(de) niet meer alsoe in tijts/dat den voirs(creven) wout(er) d(aer) om egheen scade en lijde
//
It(em) en(de) des sal de voirs(creven) wy(n)ne hebbe(n) tsijne(n) p(ro)fite een/bloexsken gelegen aen tdrincwater dwelc hij tsijne(n) afsceyde(n)/met tarwe(n) besaeyt sal late(n) It(em) sal de voirs(creven) wout(er)/geve(n) den selve(n) wynne alle jare v ellen tot eene(n)/tabbarde en(de) d(aer) voe(r) sal hij de(n) selve(n) woute(re)n met sijne(n)/wagen(en) ende p(er)de(n) iiii dage tsjae[r]s moete(n) corweyde(n)/It(em) sele(n) de voirs(creven) [wout(er)] en(de) wynne alle doeft half en(de) half deyle(n)/ende hebbe(n) inde(n) bog(ar)t wassende en(de) dat te(n) gelike(n) coste/doen lesen en(de) op derde levere(n) en(de) dan sal de selve wy(n)ne/des voirs(creven) wout(er)s helicht te loeven(en) bringe(n) It(em) sal oec/den voirs(creven) wy(n)ne jaerlicx hebben tderdel vande(n) vruchte(n)/en(de) coirne van beyde vand(er) groeter thiende en(de) vander/cleynder van meerbeke de welken hij inde thiendeschue(re)/ald(aer) staende aen de kercke vue(re)n sal en(de) leve(re)n en(de) soe/wa(n)neer tcore(n) d(aer) af ges gedorsscen sal zijn sal de voirs(creven)/wy(n)ne dat te loeven(en) levere(n) [te(n) huse aert vyncx oft d(aer)t he(m) sal gelieven en(de) alsdan sal de wy(n)ne sijne(n) montcost hebben] en(de) tstroe d(aer) af comendeint voirs(creven) hof vuere(n) ald(aer) ette(n) met zijne(n) beeste(n) en(de) te/meste make(n) en(de) dmest d(aer) af op tvoirs(creven) landt vuere(n)/tslants meeste(n) p(ro)fite en(de) dair voir sal de voirs(creven)/wynne hebben tcaf en(de) dov(er)core(n) vande(n) selve(n) derdel comen(de)/It(em) sal de voirs(creven) wynne de voirs(creven) lande houde(n) wel en(de)/loflijc van grebben also dat d(aer) een ploech ov(er) vare(n)/sal moege(n) en(de) oft e(n)nich te(m)peest va(n) wate(r) ware en(de)/quame alsoe dat hij die grebben vuechlijc niet gehouden/en conste sal hij dan dat den voirs(creven) woutere(n) late(n) wete(n)/te dien eynde dat zij en(de) elc van hen eene(n) wercman sele(n)/sette(n) te geliker coste om die grebbe(n) alsoe te houde(n) It(em) sele(n)/de voirs(creven) wouter en(de) de wy(n)ne ten halve(n) tide [sesten jare] van/malcandere(n) moege(n) sceyde(n) Bij alsoe dat de ghene die/sceyde(n) wilt den andere(n) een jaer te voere(n) sal late(n) wete(n)/Ende alle dese vorwerde(n) abs(oloens) voshe(m) febr(uarii) xvi xvi