It(em) goessen vande(n) poele vorste(r) van loeven(en) in p(rese)ncia heeft gekindt en(de) gelijdt/ want hij de voirs(creven) vorsterie selve mette(n) live midts cranckheyde(n) die he(m)/ god toegevoecht heeft de welke hij tot noch bedient heeft inde(n) name en(de)/ van wege(n) bauduijns zoete(n) dien onse gened(ige) hee(re) de selve vorsterie tot/ sijne(n) live met sijne(n) oepen(en) brieve(n) verleent heeft gelijc de selve brieve/ dat volcomelijc begripe(n) niet bedienen en can dat hij de selve vorsterie/ met consente meest(er) jans ostonis lice(n)ciaet in decrete(n) raet en(de) meest(er) vande(n)/ requesten ons liefs gened(ichs) he(re)n voirs(creven) inde(n) name en(de) van wegen des voirs(creven)/ bauduins sijns neve(n) pete(re)n rogge sone wilen jans dbediene(n) der selver/ vorsterie(n) ov(er)gegeve(n) heeft in alle der macht hij die bedienen(de) was/ behoud(elic) de(n) voirs(creven) bauduin alt(oes) sijne(n) rechte na inhoudt sijnre brieve/ voirs(creven) en(de) oec dien dat alle de p(ro)fite(n) d(aer) af comen(de) de(n) selven/ goessen peyslijc en(de) vredelijc volge(n) selen also lange hij leve(n) sal met/ alsulke(n) vorwerde(n) dat de voirs(creven) goessen oft hij soe vrome worde/ bijd(er) gracien goids en(de) also gesindt dat hij de voirs(creven) vorsterie/ selve bediene(n) woude dat hij hier inne alt(oes) sijn wed(er)roepe(n)/ hebben sal en(de) die selve bedienen inde(n) name des voirs(creven)/ bauduijns abs(oloens) lyntre iunior sept(embris) xxiiii/