Van m(ar)grieten nabbe/ Tvo(n)nisse tusscen m(ar)griete(n) weduwe jans wijlen nabbe/ die geleidt es tot den goeden daneels nabbe huers soens/ in deen zijde en(de) claze pieders die na der hant geleidt/ es tot den goeden des selfs daneels in dande(r) Alse vand(er)/ helcht van iiii crone(n) erfchijns aen en(de) op thuys gehete(n)/ den pelgerijm gelegen te loven(en) inde steenstrate de/ welke de voirs(creven) claes met sijne(n) beleide meynde te/ trecken mids dien dat den selve(n) chijns tot de(n) voirs(creven)/ danele come(n) soude zijn na dbeleit der voirs(creven) m(ar)griete(n)/ en(de) eer hij tot des selfs daneels goede beleidt was/ Dwelc de voirs(creven) m(ar)griete hem ontkinde niet min de/ voirs(creven) m(ar)griete p(rese)nteerde hue(re)n eed dat de voirs(creven) daneel/ te hue(re)rwaert belanc wae(re) in seke(re) scult de welke zij/ hoepte dat hue(r) en(de) hue(re)n beleide aen de voirs(creven) goede/ volge(n) soude al wart alsoe dat de voirs(creven) d claes/ thoende dat de voirs(creven) danel vluchtich wae(re) des hij/ nochtans niet bij en leye Es gewijst met desen/ woirde(n) dat den voirs(creven) erfchijs der voirs(creven) m(ar)gr(ieten)/ en(de) hue(re)n beleide volgen soude alsoe verre zij acht(er)/ volgen(de) hue(re)r p(rese)ntacie den eed dade dat de voirs(creven)/ daneel hue(r) wettelic belanc wae(re) bute(n) der schout/ vande(n) voirs(creven) beleide oft dat zij voe(r) hem stonde/welken eed zij p(rese)nt(ibus) rijke kersmake(re) abs(oloens) roelofs/ ov(er)wynge lynte(re) pryke(re) januar(ii) xxviii/