Cond zij allen lieden dat peter bollens en(de) gille de/ longeville in p(rese)ncia hebbe(n) genome(n) en(de) bekindt dat/ zij genome(n) hebben van h(er) janne van dormale mo(n)nic des goidsh(uys)/ van viler als mechtich gemaect vande(n) voirs(creven) cloeste(r) thoff des/ selfs cloest(er)s gehete(n) resbarbe met alle(n) den huysen hove(n) wy(n)nen(de)/ lande(n) beemde(n) eeusssele(n) en(de) allen ande(re)n sijne(n) toebehoirte(n) gelijc/ dat de voirs(creven) h(er) jan tvoirs(creven) hof met alle(n) sijne(n) toebeh(oirten) te houde(n)/ plach uutgesceyde(n) dnuhuys int voirs(creven) hof gelege(n) te gade(r)/ met eene(n) wijngarde aen tselve hof gelege(n) dwelc tvoirs(creven)/ goidshuys selve behoude(n) sal tot sijne(n) p(ro)fite Te houde(n) te/ hebbe(n) en(de) te wynne(n) van opte(n) xvi[te(n)] dach van junio a(nn)[o] xlv eene(n)/ t(er)mijn va(n) xiii jare(n) lang deen na dand(er) sond(er) middel volgen(de) elcx jaers/ d(air)enbinne(n) om xxviii mudde(n) rocx goet en(de) payabel met wa(n)ne en(de)/ met vede(re)n wel bereydt d(er) maten van geldenaken tsint andr(ies) misse/ apostels te betalen(e) en(de) int voirs(creven) hof te leve(re)n den voirs(creven) t(er)mijn due(re)nde/ quolib(et) ass(ecutu)[m] Ende oic om xv pet(er)s te xviii stuv(er)s stuc mo(n)ete (et)c(etera)/ tsint jans misse bap(tis)[te(n)] te betalen jairlix den voirs(creven) t(er)mijn due(re)nde/ quolib(et) ass(ecutu)[m] Bij alsoe dat de voirs(creven) wynne(n) bynne(n) den voirs(creven) xiii/ jae(re)n betalen selen xii pachten ende niet meer Te weten de/ leste xv pet(er)s tsint jans misse bap(tis)[ten] na duutgane vande(n) voirs(creven)/ t(er)mi(n)e Item es vorweerde dat de voirs(creven) wynne(n) de voirs(creven) lande en(de)/ ande(re) goede vande(n) voirs(creven) hove den voirs(creven) t(er)mijn due(re)nde wel en(de)/ loflijc wynne(n) werve(n) mesten en(de) rege(re)n selen gelijc zijne(n) ree(n)/ genoete(n) bove(n) en(de) beneden slands en(de) sgoeds meeste(n) p(ro)fijte Item/ want de voirs(creven) wynne(n) int ingaen vande(n) voirs(creven) t(er)mi(n)e den aert/ vande(n) wynt(er)coren(en) besayt vonden op iiii getidege voe(re)n den som(er)/ aert op twe getidege voe(re)n van welke(n) som(er)aerde de voirs(creven) wi(n)ne(n)/ vonden iii boender met erweten besayt op ii getidege voe(re)n iiii(½)/ boender wel ende loflijc besayt op twe voe(re)n met crocken ende/ iiii(½) boend(er) corte(n) even(en) oft dair omtrent op iii voe(re)n ende de voe(re)/ van meye eens omgedaen Soe es vorweerde dat hij zij [die] den/ voirs(creven) t(er)mijn due(re)nde alsoe houden selen ende ten eynde van hue(re)n/ t(er)mi(n)e gelijc zij die vonde(n) ind(er) voirs(creven) manie(re)n ts te hue(re)n aencomen(e)/ alsoe laten sonder argelist Item es vorwerde [soe wa(n)neer] dat de voirs(creven) wy(n)ne(n)/ ten lesten jae(re) ten getidege(n) tijde den saet goet en(de) custbair vanden/ wynt(er) en(de) som(er)coren(en) op dlant gevoert ende bereet selen hebben dat/ dan de tvoirs(creven) godshuys ene(n) saye(r) op cost des voirs(creven) wynne(n) selen [sal] moege(n)/ / setten dien hem gelieve(n) sal o(m)me alle de goede ende den aert vanden/ lesten jae(re) inder voirs(creven) maten te sayen Item es v(or)werde dat de voirs(creven)/ wynne(n) alle tstroe vande(n) voirs(creven) goeden comende bringen selen en(de)/ slijten met hoe(re)n beesten int voirs(creven) hoff ende dat aldair te mest/ te make(n) en(de) dat voe(re)n op tvoirs(creven) land slands meesten p(ro)fijte/ sonder e(n)nich dair af te vercoepen Item moegen de voirs(creven)/ wynne(n) de aerde vanden voirs(creven) hove niet v(er)ande(re)n nocht/ verke(re)n noch nyemande anders van hoe(re)n wegen uutgeve(n) den/ voirs(creven) t(er)mijn due(re)nde e(n)nige vanden voirs(creven) goeden sonder (con)sent/ des voirs(creven) godsh(uys) in e(n)nig(er) manie(re)n Item soe wanneer men aen/ de huze vanden voirs(creven) hove ty(m)mert metst dect oft plect het zij/ van nuwe(n) oft ouden wercke selen de wynne(n) halen alle tghene/ desme(n) dair behoeve(n) sal ter plaetsen dairme(n) hen dat wijzen/ sal ende op hue(re)n cost Item selen de voirs(creven) wynne(n) alle jae(re)/ hebben (½) boender bosch tot hue(re)n p(ro)fijte uutgesceiden dopgaende/ hout vanden bossche des voirs(creven) godshuys noch vanden besten noch/ vanden archsten Ite(m) moegen de voirs(creven) wynne(n) alle de hagen vanden/ voirs(creven) goeden xii jair outsijnde afhouwen te hoe(re)n p(ro)fijte Ende oft/ dair e(n)nige boeme v(er)droeghde die sele(n) de wynne(n) oic moege(n) afhouwe(n)/ en(de) selve hebben bij alsoe dat zij voe(r) elken boem weder planten sele(n)/ ii poetten vanden selve(n) arde ende wassende leve(re)n Item sele(n) de voirs(creven)/ wynne(n) de grechte(n) vande(n) voirs(creven) bossche ende goeden dair zij die hage(n)/ afhouwe(n) selen wael ruyme(n) ende vegen ende besluten alsoe dat/ de beesten dair ov(er) nyemande scade ende doen en(de) de willigen/ en(de) alboeme(n) moege(n) struncken ten gewoenlijken tijde om de goede mede/ te luken(e) tallen iii jae(re)n Item moege(n) de voirs(creven) wynne(n) hue(re) p(er)de weyen/ en(de) late(n) gaen op de spruyte(n) ende bosscen vanden voirs(creven) godsh(uze) iii jair/ outsijnde ende zijn [hue(re)] coye op de houwe v jair outsijnde Item en moege(n)/ de voirs(creven) wynne(n) de goede die h(er) jan van doermale dede uutroeden/ niet acke(re)n noch besayen mair die te beemden laten liggen en(de)/ met hue(re)n beesten etten op alsoe dat zij ten lesten jaire de goede/ ongeett selen laten te gade(r) mette(n) beemde bynne(n) den [mue(re) vanden] voirs(creven) hove/ gelegen Item want de voirs(creven) wynne(n) de helcht vande(n) groete(n) hoff acht(er)/ de scue(re) gelegen besayt vonden met pastue(re)n ende dand(er) helcht met/ boene(n) en(de) den hoff acht(er) dnuwe huys en(de) den hoff acht(er) de scaperie/ met stoppelen Soe selen zij die goede ten afsceiden alsoe laten/ Item selen de voirs(creven) wynne(n) alle hue(re) knape(n) ten uutgane vande(n)/ voirs(creven) t(er)mi(n)e v(er)nuegen van hue(re)r hue(re)n tot sinte pet(er)s dage inganc/ oeghst na den voirs(creven) uutgane ende die tot den selve(n) dage ald(air)/ / late(n) om de goede te wy(n)nen en(de) te hantere(n) Desgelijcx sele(n) de selve wynne/ alle ande(re) p(er)sone d(air) inne tvoirs(creven) hof gehoude(n) mach zijn binne(n) haren/ t(er)mijne verschene(n) van hare(n) gebreken v(er)nuege(n) also dat tvoirs(creven) cloester/ d(air) o(m)me niet v(er)volcht noch gescedicht en worde It(em) sele(n) de voirs(creven)/ wynne(n) jaerlijcx vernuege(n) en(de) genoechdoen onsen gened(igen) hee(re) van/ xxii corweyden die tselve huys sculdich es te doene sonder e(n)nich/ afslach vande(n) cloeste(r) dair af te hebben It(em) selen de voirs(creven) wynne/ den cloeste(r) voirs(creven) alle jare doen twe corweyde(n) met wage(n) en(de) p(er)de(n)/ op hare(n) cost te loeven(e) te bruessel oft also v(er)re d(air) tcloester des behoeve(n)/ sal It(em) selen de voirs(creven) wynne m(ijn) hee(re) den abt va(n) viler met sijnre/ geselscap oft hem geliefde tweewerf tsjaers wel en(de) loflijc ontfaen/ en(de) hen en(de) hare(n) p(er)de(n) de(n) cost doen It(em) sele(n) zij oec de(n) rentm(eeste)r/ vande(n) voirs(creven) hove ontfaen also dicke alst hem geliefde ald(air) te come(n)/ en(de) hem ende sijne(n) p(er)de de(n) cost gheve(n) It(em) sele(n) de voirs(creven) wynne/ drage(n) en(de) doen op hare(n) cost alle de toevalle en(de) laste(n) die int/ voirs(creven) hof come(n) moege(n) uutgesceyde(n) va(n) gemeyne(n) orloge oft hoopen/ va(n) volke va(n) wapen(e) En(de) oft de voirs(creven) wynne(n) aen de voirs(creven) goede va(n)/ gemeyne(n) orloghe hagelslage oft tempeesten e(n)nige scade(n) leden d(air) af soude/ hen tvoirs(creven) cloest(er) restitucie doen gelijcme(n) dat na de(n) kerken van luydic/ gewoenlijc es te doene bove(n) en(de) benede(n) op also dat de wynne(n) die/ scade de(n) voirs(creven) cloeste(r) cundichde(n) binne(n) viii dage(n) na dat die gesciet/ soude(n) zijn It(em) w(er)t also dat de(n) voirs(creven) wynne(n) hae(re) p(er)de oft h(ar)nasch/ inde(n) corweyde(n) ons gened(ichs) hee(re)n gearg(er)t oft afgenome(n) worde(n) d(air) af/ soude he(n) tcloester restitucie doen ter taxacie(n) van goede(n) knapen/ It(em) want h(er) jan voirs(creven) de(n) voirs(creven) wynne(n) te(n) ingane vande(n) voirs(creven)/ t(er)mijne gelev(er)t heeft hondert en(de) lx scape en(de) dat eene(n)/ t(er)mijn va(n) vi jare(n) lang So es vorw(er)de dat zij te(n) uutgane/ vanden voirs(creven) vi jare(n) hem die weder levere(n) selen en(de) also goet/ It(em) wa(n)t oec den voirs(creven) wynne(n) te(n) ingane vande(n) voirs(creven) t(er)mijne/ gelev(er)t zijn tgene h(ier) na volgende van p(er)de(n) wagen(en) pluege(n)/ eechden en(de) ande(re) h(ar)nassche en(de) haefflike goede die getaxeert zij(n)/ op c en(de) xxxix(½) vrancr(ijx) crone(n) te wete(n) lxiiii pl(a)c(ken) voir elc/ crone gerekent Desgelijcx de voirs(creven) h(er) jan hen geleent/ heeft c clincarde te xiiii st(uvers) stucke die sij hem geloeft hebbe(n)/ te(n) eynde vande(n) voirs(creven) t(er)mijne wed(er) tegeve(n) Desgelijcx hen oec/ / gelev(er)t iiii bedde(n) getaxeert op iiii mottoene tstuc iii paer g(r)[o]ter/ slapelake(n) getax(eert) elc paer op xxx pl(acken) It(em) ii bueke It(em) iii saergie(n)/ tstuc te xx pl(acken) It(em) i quade sargie en(de) i pot gevaluert op/ iii gripe(n) It(em) noch eene(n) grote(n) pot staende gemetst inde wat(er)came(re)/ It(em) eene(n) ketel op i g(ri)pe getax(eert) i mesthaec i rieck viii/ ganse xxv hynne(n) ii hanen inde schue(re) vande(n) voirs(creven) hove/ een risse en(de) binne(n) de(n) huyse eene(n) brantruede So es vorw(er)de/ dat zij alle de voirs(creven) have te(n) uutgane vande(n) voirs(creven) t(er)mijne/ late(n) selen also goet gelijc voir getaxeert is t(er) taxacie(n) va(n) goede(n)/ mannen die hen des verstaen oft tgelt ind(er) voirs(creven) mate(n) d(air) voe(r)/ betalen als v(er)volchde schout en(de) oft de have beter ware dat/ salme(n) hen va(n) scloesters wege(n) oprichte(n) en(de) wed(er) keere(n) It(em) es/ noch vorwerde oft de(n) abt van viler en(de) sijne(n) co(n)vente geliefde/ ald(air) te sette(n) i co(n)vers oft i vande(n) he(re)n dat dan de voirs(creven) wynne/ hen sculd(ich) selen zijn te vuede(n) jaerlijcx ii coeye en(de) ii verken(en)/ gelijc den hare(n) en(de) te geve(n) tsjaers i zist(er) raepsaets i sister bone(n)/ en(de) ii sist(er) lijsaets en(de) oft d(air) nyema(n)t gesedt en worde so sele(n) de/ voirs(creven) wy(n)ne ald(air) houde(n) de(n) cloeste(r) ii ledighe beeste(n) ende twee/ verken(en) op dat de(n) voirs(creven) cloeste(r) gelieft abs(oloens) p(ry)ke(re) m(ar)tii xii