It(em) jan vryma(n) van hespen in p(rese)ncia heeft genome(n) en(de) bekint/ dat hij genome(n) heeft van brued(er) symoen van boekenrode co(n)ve(r)rs/ va(n) meechdendale bij oplyntre ende henr(ic) boelart als behoirlijc/ gemechticht vand(er) abdissen en(de) co(n)vente des voirs(creven) cloesters inde(n) name/ en(de) va(n) wege(n) des selfs cloest(er)s thoff gehete(n) van wesere den voirs(creven)/ cloeste(re) toebehoiren(de) met huysen hove(n) wynnen(de) lande beemde(n) eeussele(n)/ bossche en(de) alle(n) ande(re)n sijne(n) toebehoirte(n) gelege(n) bij leeuwe int dorp/ va(n) weze(re) voirs(creven) uutgenome(n) twee plecke(n) beempts deen gehete(n)/ de(n) bruel en(de) dand(er) de(n) witte(n) driesch inde welke de voirs(creven)/ jan gheen recht behoude(n) en sal Te houde(n) te hebbe(n) en(de)/ te wynne(n) van sint jansmisse baptiste(n) naestcomen(de) eene(n) t(er)mijn va(n)/ sesse jare(n) lang deen na dander sond(er) middel volgende elcx jaers/ d(aer)enbinne(n) de voirs(creven) wynnende lande om c en(de) lx m(ud)[de(n)] haerts/ core(n)s lxxx lxxxv m(ud)[de(n)] pacht gherste(n) en(de) ii mudde(n) witter/ erwete(n) elcx grains goet en(de) payabel met wanne(n) en(de) met/ vloeghelen wel bereyt pacht van leeuwe en(de) mate(n) va(n) thiene(n)/ ts(en)tandr(ies) misse apostels en(de) onbegrepe(n) te sinxen te betale(n) ende/ int voirs(creven) cloeste(r) op cost en(de) last des voirs(creven) wy(n)nen te levere(n)/ alle jare de(n) voirs(creven) t(er)mijn duerende en(de) q(u)[o]l(ibet) ass(ecutu)[m] Ende de voirs(creven)/ beemde en(de) eeussele om c en(de) xviii ouder vrancr(ijx) crone(n)/ goet van goude en(de) zwaer va(n) gewichte(n) oft de w(er)de d(aer) af/ in ande(re)n goede(n) ghelde alle jare deen helicht ts(en)te remeys/ misse en(de) dand(er) helicht ts(en)[t] jansmisse baptiste(n) te betale(n) de(n)/ voirs(creven) t(er)mijn duerende q(u)[o]l(ibet) ass(ecutu)[m] op de condicie(n) en(de) vorw(er)de(n)/ hier na bescreve(n) Inde(n) yerste(n) dat de voirs(creven) wynne den/ maybeempt met garse sal moete(n) laten in duytgane vande(n)/ voirs(creven) t(er)mijne en(de) dien niet langher ette(n) met zijne(n) beeste(n)/ dan tot opte(n) xii[ste(n)] dach va(n) meye It(em) sal de selve/ wynne feestere(n) ende ontfange(n) op sijne(n) cost de(n) voirs(creven) t(er)mijn/ dueren(de) ons liefs gened(ichs) he(re)n va(n) braba(n)t familie(n) en(de) elke(n)/ na sijne(n) staet die hem ov(er)come(n) sele(n) gelijc he tot noch/ toe geuseert es geweest en(de) waert dat hij die voirs(creven)/ / familie(n) niet wel en ontfinghe en(de) de voirs(creven) vrouwe en(de) haer/ co(n)vent d(aer) o(m)me scade hadden in hare(n) voirs(creven) cloeste(r) oft op haer ande(re)/ hove(n) alsulke scade soude de wy(n)ne hen oprichte(n) Waert oec/ dat de voirs(creven) wy(n)ne selve scade hadde ov(er)midts quad(er) feesteringe(n)/ der voirs(creven) familien bij ocsuyne der voirs(creven) vrouwe(n) en(de) haers co(n)vents/ oft huerre ande(re) hove(n) alsulke scade soudeme(n) hem oec moete(n) oprichte(n)/ altoes ter wettiger wairheit It(em) sal de voirs(creven) wy(n)ne o(n)sen gened(ichen)/ hee(re) va(n) braba(n)t houde(n) en(de) vinden altoes ov(er) ander jaer wel en(de) loflijc/ twee jonghe welpen en(de) hij sal hem jaerlijcx gheve(n) en(de) betalen/ xv r(insche) guld(en) vande(n) honden sonder last en(de) cost der voirs(creven) vrouwe(n)/ en(de) haers co(n)vents It(em) sal de voirs(creven) wy(n)ne temelijc ontfange(n) op zijne(n)/ cost der voirs(creven) vrouwe abdissen en(de) de ghene die met hae(r) come(n)/ sele(n) int hoff voirs(creven) oft oec gesonde(n) sele(n) werde(n) ald(aer) in hare(n) orber/ It(em) waert dat inde(n) hove voirs(creven) brant gesciede dat god v(er)huede/ van wege(n) des voirs(creven) wynne(n) oft zij(n)re familie(n) oft midts veede(n) va(n)/ hem alsulke scade als d(aer) af quame soude de selve wynne de(n)/ voirs(creven) cloeste(r) oprichten altoes ter wettiger wairheit Waert/ oec dat ald(aer) brant gesciede bij ocsuyne oft van wege(n) des/ voirs(creven) cloesters alsulke(n) scade soudeme(n) de(n) voirs(creven) wy(n)ne oprichte(n)/ gelijc voirs(creven) es It(em) waert dat ald(aer) scade(n) gesciede(n) midts/ te(m)peeste(n) oft gemeyne(n) orloge dat god v(er)biede dat soude/ de voirs(creven) wynne d(er) voirs(creven) vrouwe(n) en(de) hare(n) co(n)ve(n)te cu(n)dige(n)/ binne(n) xiiii dage(n) dan naestvolgende en(de) dan soude he(m) d(aer) af/ gescien na hanteringe en(de) usaige(n) der kerke(n) va(n) luydecke/ En(de) waert dat hij des niet en cundichde binne(n) de(n) daghe/ voirs(creven) so en soudeme(n) he(m) niet sculdich zijn af te corte(n) It(em)/ sal de voirs(creven) wy(n)ne hebbe(n) de(n) voirs(creven) t(er)mijn dueren(de) tscaep/ eeussel voir thoff voirs(creven) gelege(n) en(de) ii bossche d(aer) bij/ gelege(n) gehete(n) ter hontsloe en(de) de(n) andere(n) gelege(n) acht(er)/ de(n) muer vande(n) voirs(creven) hove te(n) broecke w(er)t sond(er) d(aer)af yet/ / te betalene en(de) elke(n) bosch sal hij moeghe(n) eens houwe(n) en(de) niet meer binne(n)/ sijne(n) t(er)mijne voirs(creven) te wete(n) van negen jare(n) out It(em) sal die wy(n)ne voirs(creven)/ die truncboeme te iiii jare(n) moege(n) truncken ende niet jonghe(r) ende alle die/ poote d(aer) af comende sal hij op die goede tshoofs voirs(creven) inde erde setten/ en(de) wettelijc planten en(de) die voir die beesten bevreden also lange als zijs/ behoeve(n) en(de) mette(n) loeken d(aer) af comen(de) sal hij die goede thuyne(n) ende/ bevreden en(de) alle de goede voirs(creven) va(n) thuyne(n) en(de) va(n) grechte(n) jaerlijcx/ wel en(de) loflijc houde(n) en(de) die ten uutgane vande(n) voirs(creven) t(er)mijne late(n)/ gelijc dat hijse vandt te sijne(n) income(n) Ite(m) waert dat vande(n) muere(n)/ voirs(creven) elcx jaers viele oft rese een roede oft twee roede(n) tey(n)de(n) een/ dat sal de voirs(creven) wynne doen make(n) op sijne(n) cost maer waer dats d(aer)/ meer viele oft rese dan voirs(creven) es en(de) datme(n)t niet staende en conste/ gehoude(n) dat sal de voirs(creven) vrouwe en(de) haer co(n)vent doen maken/ Behoud(elic) dat de voirs(creven) wynne d(aer) toe levere(n) sal leem en(de) stroe op/ dwerck en(de) die wercliede vuede(n) It(em) sal de voirs(creven) vrouwe en(de)/ hoir co(n)vent jaerlijcx alst hen genuecht doen ov(er)sien alle die goede/ tshoofs voirs(creven) Te wete(n) huyse muere leygrechte vloetgrechte/ thuyne en(de) poote(n) oft die gehoude(n) zijn loflijc en(de) staen gelijc/ datse de wyn voirs(creven) vandt in sijne(n) income(n) En(de) waert dat d(aer) inne/ yet gebrake dat sal de selve wynne oprichte(n) en(de) betere(n) aen/ de goede voirs(creven) sond(er) wed(er)segge(n) altoes te(n) p(ri)se van goede(n) ma(n)ne(n)/ It(em) sal de voirs(creven) wy(n)ne jaerlijcx der voirs(creven) t(er)mijn duerende/

levere(n) sesse laetvercken(en) inder weerde(n) va(n) xii holl(ansche) guld(en)/

oft d(aer) voe(r) geve(n) xii holl(ansche) guld(en) inde yerste weke vander/

vasten(en) vrouwe(n) alle jae(re) tweewerf levere(n) tot luydeck om colen te/ halen zijne(n) beste(n) wage(n) mette(n) p(er)den en(de) mette(n) getouwe d(aer) toe hoeren(de) It(em)/ sal de voirs(creven) wynne houde(n) vander voirs(creven) vrouwe(n) te vueden i(½)[c] scape/ en(de) die altoes te ii jare(n) deyle(n) En(de) waert dat hij meer scape houde(n)/ woude dan voirs(creven) es so sal de voirs(creven) vrouwe he(m) levere(n) tot ii[c] scape(n)/ toe maer w(er)t dat de voirs(creven) vrouwe hem egheen scape te vuede(n)/ gheve(n) en woude so sal hij dan zijns selfs scape moege(n) houde(n) oft/ van ande(re)n liede(n) scape te vueden moege(n) neme(n) En(de) hij sal alt(oes)/ binne(n) tijts der voirs(creven) vrouwe(n) vrage(n) oft zij hem scape te vueden/ gheve(n) wilt It(em) sal de wynne voirs(creven) de lande vande(n) voirs(creven)/ hove ackere(n) mesten bezaye(n) wynne(n) drive(n) en(de) hantere(n) wel/ / ende tijtveerdichlijc alle jare den voirs(creven) t(er)mijn duerende en(de) gelijc/ reengenote(n) boven ende beneden sonder argelist en(de) ten uuytganc/ vande(n) selve(n) t(er)mijne also late(n) Te wete(n) met wynt(er) core(n) besaeyt/ die couthe(r) acht(er) thoff met hare(n) toebehoirte(n) gewo(n)nen gedreve(n)/ en(de) gehanteert gelijc voirs(creven) es En(de) desgelijcx met som(er)core(n)/ den couthe(r) voir den valgader d(aer)me(n) gaet van wezere te/ leeuwe w(er)t uutgenome(n) seve(n) zille(n) lants gelege(n) inde(n) wech/ d(aer)me(n) gheet va(n) ned(er)lyntre te helene weert de welke hij late(n)/ sal met grauwe erwete(n) besayt en(de) geackert mett(er) groett(er) ploech/ It(em) sinte marie(n) halfboend(er) met witter erwete(n) besayt en(de) geackert/ metter grot(er) ploech It(em) derdalf boend(er) lants gehete(n) int rot/ met crocken besayt It(em) sal de voirs(creven) wynne de gherste gewelt/ late(n) It(em) sal de voirs(creven) wynne de(n) couthe(r) op de m(er)ghel cuyte met hare(n)/ toebehoirte(n) brake late(n) geackert met eenre voren uutgenome(n) twee/ boender de welke hij late(n) sal met raepsade besayt It(em) tgroot/ stucke bij sinte marie(n) halfboender voirs(creven) sal hij late(n) met twe/ vore(n) geackert en(de) bove(n) gemest It(em) de lande hier na bescreve(n)/ sal de voirs(creven) wynne oec laten met twee vore(n) geackert te wete(n)/ den panacker It(em) iii(½) boender gelege(n) inde(n) wech d(aer)me(n) gheet va(n)/ weze(re) te thiene(n) weert behoudelijc dat hij des late(n) sal de(n) overste(n)/ beck gegrave(n) en(de) hij sal dat yerste geles vande(n) weede hebbe(n)/ It(em) vii zillen inde(n) voirs(creven) wech gelegen en(de) iii zille(n) gelege(n) bijde(n)/ heerwech It(em) de voirs(creven) wy(n)ne sal te zijne(n) leste(n) jare tvlas/ vande(n) hove voir de porte moege(n) afdoen en(de) in zijne(n)/ orber bekeere(n) Voirtmeer want de voirs(creven) wy(n)ne te zijnen/ income(n) vande(n) voirs(creven) t(er)mijne ontfange(n) heeft vander voirs(creven) abdissen/ en(de) hare(n) co(n)ve(n)te alsulke haeflike goede getaxeert inder weerde(n)/ also hier na bescreve(n) steet Inde(n) yerste(n) v bedde(n) v paer/ slapelake(n) en(de) v saergien tsame(n) getaxeert op xii grijpe(n)/ It(em) i grote(n) ketel getaxeert op i(½) grijpe It(em) eene(n)/ groten pot wegende l pont getaxeert op v grijpe(n) te/ wete(n) elc l(i)b(ra) iiii pl(a)c(ken) It(em) xxiiii g(r)[o]te verkene It(em)/ xxv mynder verkene vande(n) welke(n) xxiiii g(r)[o]te verkene(n) ware(n)/ drie zoghe(n) alte same(n) getaxeert op vive(n)veertich dalve grype/ / It(em) xxiii coeye elc coe getaxeert op v crone(n) vrancr(ijx) It(em) twee/ varre(n) van ii jare(n) i varre van i jare en(de) vii veerse van/ eene(n) jare al te same(n) getaxeert op xxiiii c(r)[o]ne(n) vrancr(ijx) It(em)/ de(n) grote(n) waghen met v p(er)de mette(n) getouwe d(aer) toe/ behoirende twee zoechvoelene ii paer ledere(n) mette(n) zeele(n)/ totte(n) oechstledere(n) met eene(n) paer corne alte same(n) getaxeert/ op xlviii crone(n) vrancr(ijx) Item den cleyne(n) wage(n) met iiii p(er)de(n)/ mette(n) getouwe d(aer) toe behoiren(de) met i zoechvoelen(en)/ met ii paer ledere(n) met i paer corne en(de) dat d(aer) toebeh(oirende)/ al te same(n) getaxeert op xxxv c(r)[o]ne(n) vrancr(ijx) It(em) v ploech/ p(er)de met haren hamen en(de) met i zoechvoelen tsame(n) getax(eert)/ op xx crone(n) vrancr(ijx) It(em) i voele(n) va(n) iiii jare(n) en(de) ii voelen(en)/ van ii [eene(n)] jare(n) tsame(n) getax(eert) op xvii crone(n) vrancr(ijx) It(em) iiii/ pluege i grote ploech iiii eechden ende een welle elc met/ hare(n) wisse(n) d(aer) toe behoire(n)de tsame(n) getaxeert op vii crone(n)/ vrancr(ijx) En(de) es Te wete(n) dat de voirs(creven) wy(n)ne voir de/ crone(n) betale(n) sal goede oude crone(n) va(n) goude en(de) zwaer/ va(n) gewichte(n) oft de w(er)de d(aer) af in ande(re)n goede(n) gerechte(n) gelde/ en(de) voir de gripe(n) sal hij betale(n) xx boddrag(er)s te bruessel/ gemu(n)t voir elc g(ri)pe So es vorw(er)de dat de voirs(creven) taxacie/ vander voirs(creven) have(n) sal staen te(n) wille der voirs(creven) vrouwe(n) te/ wete(n) dat zij sal sij moegen kiesen de have oft tgelt d(aer)/ voe(r) en(de) des sal de selve vrouwe in deen zijde en(de) de/ voirs(creven) wy(n)ne in dande(r) te(n) uuytgane vande(n) voirs(creven) t(er)mijne/ moege(n) kiesen en(de) neme(n) elc ii goede liede die de voirs(creven)/ haeflike goede en(de) beeste(n) schatte(n) en(de) taxere(n) selen en(de)/ eist dat zij dan beter getaxeert worde(n) dan zij voirs(creven)/ zijn dat salme(n) de(n) wy(n)ne voirs(creven) oprichte(n) en(de) verghelde(n)/ en(de) eist dat zij argher getaxeert werde(n) dat sal/ de voirs(creven) wy(n)ne oprichte(n) en(de) v(er)guetsen Voirtmeer es/ vorw(er)de dat de voirs(creven) vrouwe hebbe(n) en(de) behoude(n) sal/ die marghelcuyte sond(er) afcorte(n) des pachts voirs(creven) It(em)/ sal de wy(n)ne voirs(creven) jaerlijcx heffe(n) en(de) trecke(n) de(n)/ / pacht va(n) i stucke lants gelege(n) bijde(n) wech d(aer)me(n) gheet/ vanden bossche te leeuwe weert also lange als dat v(er)pacht/ es En(de) so wa(n)neer de pechtinge d(aer) af uut sal zijn so/ sal de selve wy(n)ne dat selve stuc lants hebbe(n) ende/ houde(n) die getoeste voirs(creven) ute dwel nochta(n) gelijc sijn/ voirsete(n) dat gehadt hebbe(n) ende te(n) leste(n) jare des voirs(creven)/ t(er)mijns sal hij de vruchte(n) d(aer) op alsdan besaeyt zijnde moege(n)/ afdoen en(de) in sijne(n) orbe(re) bekeere(n) Behoud(elic) altoes dat hij/ de(n) jaerlijke(n) pacht d(aer) af dan betale(n) sal It(em) voirtmeer/ sal de voirs(creven) wy(n)ne jaerlijcx hebbe(n) alle xiiii nachte(n)/ vande(n) voirs(creven) cloeste(r) een vat cloesterbiers des sal de selve/ wynne eens des jaers betale(n) en(de) levere(n) de(n) voirs(creven) t(er)mijn dueren(de)/ sesse mudde ghersten sond(er) afcortinge vande(n) voirs(creven) pachte/ En(de) alle dese vorwerde(n) condicie(n) en(de) ghelofte(n) voirs(creven)/ hebbe(n) de voirs(creven) p(ar)tie(n) malcandere(n) gelooft altijt te voldoene/ als die vallen ende v(er)schijne(n) selen en(de) telke(n) t(er)mijne als/ v(er)volchde schout Hier ware(n) ov(er) lodewijc roelofs en(de)/ jan de p(ry)kere scepen(en) te loeven(en) gegeve(n) int jaer/ ons he(re)n xiiii[c] xlvi m(ar)tii iii