It(em) want meest(er) jan vande(n) voerde die mids macht van/ scepen(en) brieve(n) van loven(en) geleit es tot allen den goeden/ beyde have en(de) erve meest(er) ghijsbrechts van ov(er)devecht/ officiael van ludick op den dach van hede(n) hadde/ doen inscriven meest(er) lambrechte van ov(er)devecht pete(re)n/ van ov(er)devecht jouffr(ouwe) jeha(n)ne van ov(er)devecht/ mychiele inde(n) lupaert jouffr(ouwe) lijsbette(n) van ov(er)devecht/ sijne(n) wive vrancke(n) moens jouffr(ouwe) m(ar)griete(n) van/ ov(er)devecht sijne(n) wive die hem aen de goede/ en(de) erfchijnse hier na bescr(even) ongebruyc dede(n) Te/ weten inde(n) yersten aen twee eusele(n) gelgen aen den/ wittenberch houden(de) ontrent drie coye [te(n)] arnde It(em) aen/ twee goede mottoen(en) op huyse en(de) hove(n) jans struys/ It(em) aen twee mottoen(en) op huyse en(de) hove eens gehete(n)/ kerskens It(em) aen twee mottoen(en) op een huys en(de) hof jans/ van verlen It(em) aen drie gulden hellinge op huyse en(de)/ hoeve(n) met hue(re)n toebehoirten pet(er)s pottere(n) en(de) reynkens/ tsouwers It(em) aen een eeusel gelegen te hillen houden(de) ontr(ent)/ drie coye arnde It(em) aen ene(n) beempt houden(de) iiii dach(mael)/ gelegen tegen tgasthuys hoeve It(em) aen i bloc geheten/ tcruys bloc It(em) aen seven mudden roggen tot morchove(n)/ en(de) nod(er)wijc It(em) aen den chijs van morsdonc Tot/ welken dage de voirs(creven) p(er)soene niet en quame(n)/ noch oic int recht niet en comp(ar)eerden Soe dat/ de he(re)n scepen(en) van loev(en) ter manissen smeyers/ wijsden voe(r) een vo(n)nissen datme(n) den voirs(creven) meest(er)/ ja(n)ne vande(n) voerde vanden voirs(creven) goeden houden/ sal inde macht van sijne(n) voirs(creven) beleyde alsoe/ v(er)re dat voir scepen(en) come(n) es P(rese)nt(ibus) kersmake(re)/ abs(oloens) roelofs ov(er)wynge lynt(re) p(ry)ke(re) m(ar)tii xi/