Cond zij allen liede(n) dat jan vande(n) lare in p(rese)ncia heeft genome(n)/ en(de) bekint dat hij genome(n) heeft van janne de raet woenende te/ loeven(en) pelsmake(re) alle de wy(n)nende lande des voirs(creven) jans de raet/ gelege(n) binne(n) der prochien van buedingen te houden te hebben en(de) te/ wy(n)nen va(n) alre heylige(n) misse naestcomende eene(n) t(er)mijn van xii/ jare(n) lang deen na dand(er) sond(er) middel volgende elcx jaers/ dare(n)binne(n) voir en(de) om de helicht van allen den goeden dair op/ wassende welke helicht de voirs(creven) jan vade(n) lare [wy(n)ne] sculdich sal/ zijn jaerlijcx sijne(n) t(er)mijn duerende op sijne(n) cost te loeven(en) te b(ri)nge(n)/ wa(n)neer dat gedorssche(n) sal zijn en(de) alsdan sal de wynne en(de) sijn/ p(er)de(n) de montcost hebbe(n) en(de) wa(n)neerme(n) d(air) dorscht so sal de/ voirs(creven) wy(n)ne de(n) dorssche(re) de(n) mo(n)tcost geve(n) en(de) de voirs(creven)/ jan sal half de dachuere(n) betalen It(em) sal de voirs(creven) wy(n)ne/ de voirs(creven) goede jaerlijcx sijne(n) voirs(creven) t(er)mijn duerende ten/ behoirlike(n) tiden wel ende loflijc wy(n)ne(n) w(er)ve(n) en(de) mesten/ gelijc sijne(n) reengenoten boven en(de) benede(n) abs(oloens) ly(n)tre oct(obris) xxvi/