Item gielijs de tilhou de jonge van erkene(n) [in p(rese)ncia] heeft genome(n) en(de) bekent/ dat hij genome(n) heeft van vrouwe(n) annen skersmakers p(ri)riorinne/ en(de) co(n)vente des godshuys vanden wittevrouwen te loven(en) thof/ des selfs godshuys gelegen metten wynnen(de) landen beemden/ euselen en(de) ande(re)n sijne(n) toebehoerten gelegen inde p(ro)chie van bossuyt/ te houden te hebben en(de) te wynnen van half merte naestcomen(de)/ eene(n) t(er)mijn van xii jae(re)n lanck elcx jaers dae(re)n bynnen/ o(m)me en(de) vore de helicht van allen den vruchten jaerlijcx opde/ voirs(creven) goede wassende welcke(n) vruchten de voirs(creven) wynne alse/ sij tijtveerdich zijn op zijne(n) cost afdoen sal en(de) inde bant doen/ Ende dan salmen de voirs(creven) vruchten in tween gelijken deelen/ Ende de voirs(creven) wynne sal den godshuyse aldaer dan ter stont/zijn [hue(r)] helicht in zijn [hue(r)] schue(re) aldaer leve(re)n eer hij de sijne rue(re)n sal
//
Ende alst tvoirs(creven) godshuys sijn [hue(r)] helicht doet dersschen soe sal de wyn den dersschers/ den montcost geven en(de) dan sal de wyn den godshuyse zijn [hue(r)] coren mett(er)/ helicht vanden coste opte voirs(creven) goede wassende dat de wynne oick op sijne(n)/ cost ter eerden leve(re)n sal te loven(en) int voirs(creven) godshuys vue(re)n En(de) dan sal/ hij sijnen montcost hebben en(de) de p(er)den hoy Item sal oic de voirs(creven) wynne/ hebben tcaf stroe en(de) crinsen comen(de) vander helicht des voirs(creven) godshuys/ Item sal tvoirs(creven) godsh(uys) den wynne jaerlijx voe(r) zijne(n) oeghst thien/ molevaten rox geve(n) en(de) vanden lesten coren(en) des voirs(creven) godsh(uys) inde/ voirs(creven) schue(re) leve(re)n Item sal de voirs(creven) wynne de huysinghen vanden/ voirs(creven) hove zijne(n) t(er)mijn due(re)nde houden wel ende loflic vander/ underster rijkelen nederwert Item sal de voirs(creven) wynne allet stroe/ ende voesteringe vanden voirs(creven) goeden comen(de) int voirs(creven) godsh(uys) [hof] vue(re)n dat/ aldaer etten en(de) sliten met zijne(n) beesten en(de) te meste maken en(de)/ dmest daer af vue(re)n opde voirs(creven) lande slants meeste p(ro)ffijte Item/ sal de voirs(creven) wynne jaerlijcx int voirs(creven) hof leve(re)n seshondert/ goeder cosbaer walme(re)n o(m)me de huysinghe daer mede [te] houden en(de)/ alsmen die verdect oft aende huysinghe die daer inne [nu] staen anders/ yet wercke dan sal de wynne [den werclieden den] den montcost geve(n) en(de) dgodshuys de dachue(re)n/ betaelen Item sal de voirs(creven) wynne alle truncbome dte behoerliken tijten [tijten] moge(n)/ truncken en(de) alle verdroeghde bome(n) mogen afhouden tot sijnre berringen/ behoef op alsoe dat hij voe(r) elcken verdroeghden boem twee leeven(de) poten/ vanden selve(n) arde sal doen setten Item selen tvoirs(creven) godsh(uys) en(de) de/ voirs(creven) wynne elc int voirs(creven) hof leve(re)n tweehondert schove(n) stroets en(de)/ de voirs(creven) wynne en sal zijn stroe int hof niet bryngen sonder weten des/ voirs(creven) godshuys en(de) soe wae(r) dgodsh(uys) zijn stroet coept daer saelt die/ wynne moeten halen op zijnen cost op een myle nae o(m)megaens/ den voirs(creven) hove Item als eenighe jouffrouwe oft bode int voirs(creven)/ hof comen die sal de wynne guettelick hanteren en(de) den cost/ geve(n) Item tvoirs(creven) godsh(uys) sal den voirs(creven) wynne tvoirs(creven) hof leve(re)n/ slotvast Item sal tvoirs(creven) godsh(uys) jaerlijcx hebben de helicht van/ allen den rapen en(de) rapsade opt voirs(creven) goedt wassende Ende/ alst voirs(creven) godshuys die doet halen sal de wynne den knapen
//
den montcost geve(n) en(de) de p(er)den voederen Item sal de voirs(creven) wynne/ jaerlijx hebben den beemdt tsinte achten rode houden(de) iii dach(mael)/ en(de) een half boender lants crocken op te saden en(de) den langen/ hof en(de) den wytham Ende hier af sal hij geve(n) jaerlijcx een/ halster erweten Item sal de voirs(creven) wynne ten afscheiden van/ zijne(n) voirs(creven) t(er)mijne allet mest int voirs(creven) hof wesen(de) voe(re)n/ opde voirs(creven) lande dslants meeste p(ro)fijte Item sal de voirs(creven)/ wynne de voirs(creven) goede wel en(de) loflic bevreden en(de) beheyme(n)/ gelijc sijne(n) reengenoten bove(n) en(de) beneden Item sal de wynne/ den wijnter art houden(de) x boender en(de) een half oft daer/ omtrent wel en(de) loflic besayt laten op viere getideghe/ voren en(de) de brake en(de) de storte eens o(m)me gedaen Item/ selen de voirs(creven) wynne en(de) mijn vrouwe van malcande(re)n/ mogen scheyden ten hals halven tijde op dat hen gelieft/ en(de) soe wie alsoe scheyden wilt saelt [een] den ande(re)n een half/ jaer co(n)digen en(de) laten weten Ende alle dese vorweerden/ etc(etera) Inde sunt fideiuss(ores) d(i)c(t)i colloni egidius de tilhou pat(er)/ eiusd(em) colloni et johannes de blanqueda(m)me Et primus/ kersmake(re) abs(oloens) januarii xvii/