Van clase van vucht/ Op de sake van gescille voir den raide vander stad gepordt tusscen clase/ van vucht inde(n) name en(de) van wege(n) waelrave(n) bote des gemechticht/ in deen zijde en(de) jacoppe blancart die va(n) woute(re)n daneels gegoet ende/ geerft es in alle de goede des voirs(creven) waelrave(n) uut crachte van scepenen/ brieve(n) van loeven(en) en(de) dat in orboe(r) en(de) van wege(n) jans vander balct gelijc/ de voirs(creven) jacop voir de stad gekint heeft met de(n) voirs(creven) janne in dande(r)/ Alse van dat de voirs(creven) claes meynde inde(n) name des voirs(creven) waelrave(n)/ dat de voirs(creven) jacop om gheender ander redene(n) wille de voirs(creven) guedinge/ en hadde dan o(m)me den last van viii rijd(er)s lijfpensien die de voirs(creven) jan/ aen jacoppe(n) ute(n) lyeminge(n) verborcht hadde Midts dien dat de voirs(creven)/ wout(er) ter vesticheit vander selver lijftocht tvoirs(creven) beleit en(de) de goede/ des voirs(creven) waelrave(n) onder hadde P(rese)nterende de(n) selve(n) janne d(air)/ af te cuelen en(de) versocht d(air) om de voirs(creven) claes dat de voirs(creven) jacop/ en(de) jan de voirs(creven) guedinge d(air)enteynden ov(er)leverde(n) in sijne(n) hande(n) op/ dat de voirs(creven) waelrave(n) mette(n) zijne(n) sijne(n) wille mochte doen Dair/ jege(n) de selve jacop en(de) jan deden segge(n) kinnende dat de voirs(creven)/ guedinge om vand(er) voirs(creven) lijfrente(n) onthave(n) te zijne gedaen ware/ Mair wa(n)t de voirs(creven) waelrave(n) die van quaden regime(n)te ware en(de)/ een wettich kindt hadde So begh(er)de(n) sij dat de stad versien woude/ inder saken also dat tkint des voirs(creven) waelrave(n) na des vaders doot/ oec versien bleve vande(n) goede(n) inder selver guedinge(n) begrepen/ die noch niet vercocht en ware(n) tsijnre nootdorfte(n) en(de) bilevingen/ behoef en(de) dat de voirs(creven) waelrave(n) etende mocht blive(n) Soe es bij/ den raide vander stad ov(er)drage(n) en(de) get(er)mineert dat de voirs(creven) guedinge/ bij de(n) voirs(creven) jacoppe en(de) janne bracht sal werde(n) in hande(n) vander/ stad ald(air) die blive(n) en(de) berusten sal op de vuege hier na v(er)claert/ Te wete(n) oft de(n) voirs(creven) waelrave(n) den voirs(creven) janne en(de) zijne(n) borghe(n) niet/ en loste vander voirs(creven) lijftocht en(de) die met v(er)loepene(n) rente(n)/ af en quijt datme(n) dan vande(n) selve(n) goede(n) om dat te gesciene v(er)coepe(n)/ sal Bij also dat int voldoen van dien de voirs(creven) jan vand(er)/ balct sal oplegge(n) alle p(ro)fite(n) die hij bij machte vander selver guedinge(n)/ vande(n) voirs(creven) goede(n) ontfangen heeft also v(er)re die inde jaerlijcsche
//
betalinge vand(er) voirs(creven) lijfrente(n) oft coste vander gued(inge) voirs(creven) ende den/ beleyde d(air) uut de selve guedinge gedaen es niet en zijn bekeert/ en(de) dat gedaen selen de voirs(creven) goede volge(n) de(n) voirs(creven) waelraven/ tsijnre nootdorfte(n) behoef en(de) na hem sijne(n) voirs(creven) kinde also v(er)re die/ gedrage(n) bove(n) de lasten dair op staende Behoud(elic) desen oft de selve/ goede niet en consten verstringen om de(n) voirs(creven) waelrave(n) hem d(air) mede/ te moege(n) onthouden en(de) dair op te lene(n) datmen dan bij raide va(n) e(n)nige(n)/ zijne(n) en(de) zijns voirs(creven) kints vriende(n) de selve goede sal v(er)coepe(n) te(n) meeste(n)/ p(ro)fite sonder fraude en(de) tgelt d(air) af legge(n) aen lijfre(n)te(n) te(n) live des/ selfs waelrave(n) en(de) zijns kints en(de) des leste leven(de) van hen beyden/ Bij also oec dat alsdan besorcht worde int aenlegge(n) vande(n) voirs(creven)/ ghelde dat de voirs(creven) lijftocht na doot vande(n) voirs(creven) waelrave(n) de(n) voirs(creven)/ kinde volge(n) moege En(de) om d(air) toe te come(n) es voirt geraemt/ eve(n) v(er)re de voirs(creven) waelrave(n) de vestich(eit) vande(n) selve(n) goede(n) dieme(n)/ also v(er)coepe(n) soude vuechelijc bij raide vande(n) vriende(n) voirs(creven) de(n) coep(er)en/ doet dat dan van dien de voirs(creven) guedinge jans vander balct te/ nieute sijn sal en(de) van gheenre weerde(n) en(de) te(n) eynde vand(er) voirs(creven)/ erflich(eit) vercocht zijnde gea(n)nichileert worde(n) Maer oft de voirs(creven)/ waelrave(n) en(de) zijn vriende de selve vesticheide(n) de(n) coepere(n) woude(n)/ doen uut(er) guedingen(en) des selfs jacops so sal de voirs(creven) jacob bla(n)cart/ sonder zijne(n) cost en(de) last d(air) af guedinge doen talle(n) tide(n) als/ hij op de voirs(creven) vuege des sal worde(n) v(er)socht sond(er) dat de/ selve jacop noch jan vand(er) balct yet meer rechts dan voir/ es benoemt inde voirs(creven) goede mett(er) voirs(creven) guedinge [noch anders] sele(n) moege(n)/ hebben actu(m) in pleno (con)silio m(ar)tii xi/[Voirt is ov(er)dragen en(de) inde(n) raide vand(er) stat geclaert dat nyema(n)t cont(ra)rie vand(er) voirs(creven) gued(inge) also v(er)re dat der voirs(creven) t(er)minacien aencleeft de jairgebode of uutcoepe doen en sal mogen]