Vander aenspraken die inden rechte voir meye(r) ende scepen(en) van loven(en)/ ghedaen heeft vranck vanden hove tot jonch(e)r lyebrechte here te meldert/ ende te buedinghen alse van eenen p(er)de dat den telt ghinck dwelc de/ voirs(creven) jonch(e)r lyebrecht voirtijts vanden voirs(creven) vrancken ghehadt hadde/ op alsoe dat hij hem weder als hijs begheerde alsoe goeden wedergave/ ende alse van x cronen oft de werde die de voirs(creven) jonch(e)r lyebrecht/ te bruessel aen coudenberch inde herberghe verteert soude hebben ende hem van/ montcoste sculdich bleven was des hij sijne(n) eedt als weert bodt te doen/ ende vanden yersten deilde hij den eet den voirs(creven) jonch(e)r lyebrechte/ als vanden p(er)de oft hij booten selve te houden nae verantwerden des/ voirs(creven) jonch(e)r lyebrechts en(de) thoenessen dat hij daer af inden rechte oppenbaerlijc/lyde leyde dair hij yerst toe gewijst was Wart gewijst bijden he(re)n ende/ scepen(en) van loven(en) ter manissen smeyers dat alsulcken aensprake/ als van desen de voirs(creven) vrancke ten voirs(creven) jonch(e)r gedaen hadde dat/ die den selve(n) jonch(er) lyebrechte gheene onstaede doen en soude/ p(rese)ntib(us) abs(oloens) py(n)noc witte willem(air) decembr(is) xvi[a]