It(em) alsoe voe(r) den raide vand(er) stad zeke(re) stoote opv(er)staen zijn tusscen lenarde/ del court als procureur der cap(it)len van nyvele in deen zijde ende willem(me)/ van oetskerke poirte(r) van loven(en) in dande(re) alse dat de voirs(creven) wille(m) mey(n)de/ dat de voirs(creven) p(ro)cur(eur) alsulke kennesse(n) van scepen(en) brieve(n) van loven(en) als hij/ den selve(n) p(ro)cur(eur) int jair van xlv gedaen hadde tonrechte beleidt hadde/ ov(er)mids dat dat gesciet wae(re) soude sijn op leengoede (et)c(etera) desgelijcx/ van dat [de] selve procur(eur) uut den selven beleide sond(er) reden hadde doen/ v(er)coepen vande(n) goeden des voirs(creven) willems vi boend(er) corens om xviii/ pet(er)s ende ix boend(er) gers om xviii pet(er)s die nochtans vele beter/ waren ende oic van xi saluten die de selve p(ro)cur(eur) den voirscr(even)/ willem(me) hadde doen betalen ende ten utersten van xi boender/ coerens die de voirs(creven) willem tertijt als de voirs(creven) cap(it)le hue(re) goede/ die de voirs(creven) willem in pechtinge hielde ov(er)genome(n) heeft opder/ selv(er) cap(it)len goede besaeydt liet welke vruchten den voirs(creven) willem(me)/ alsoe hij hoepte sculdich waren te volgen want hij deselve lande/ ten aenverde(n) vand(er) selv(er) pechtinge(n) ombevrucht vant vanden welke(n)/ de voirs(creven) p(ro)cur(eur) hem v(er)antw(er)den(de) cleerde met alrehande reden dat/ tvoirs(creven) beleidt met rechte gesciet wae(re) ende vanden v(er)cochten/ goeden seyde hij dat hij die uut den voirs(creven) beleide behoirlic/ hadde v(er)cocht ende dat tselve beleit met den v(er)copen(de) voirs(creven)/ bij vo(n)nissen van scepen(en) van loven(en) van weerden en(de) machten/ gewijst ware(n) ende alse vanden xi saluten en(de) pechtingen/ d(er) voirs(creven) goede seide hij dat willem hem de selve xi saluten
//
geloeft hadde te betalen(e) van coste van getuigen en(de) anders daer[in] de/ selve willem gehouden was om deswille dat hij den voirs(creven)/ procur(eur) tonrechte hadde gemoeydt ende de voirs(creven) pechtinge/ hadde de selve willem oic moeydts willem ov(er)gegeve(n) des/ hij hem gedroech tot den registre ende p(ro)thocollen d(er) scepen(en)/ van loven(en) seggende voirt de voirs(creven) p(ro)cureur dat de voirs(creven)/ willem ter voirs(creven) cap(it)len weert gehouden wae(re) ond(er) meer/ ande(re) saken in dien dat hij na uutwijsen d(er) vorwerde(n) vand(er)/ voirs(creven) pechtinge(n) op d(er) cap(it)len goede niet geplant gemest/ noch gegricht en hadde dair af hij oic richtinge meynde/ te hebben en(de) aen des voirs(creven) willems goede te v(er)halen met/ gaders eenre pene(n) van teringen van vi s(tuvers) lovensche sdaeghs/ die de voirs(creven) willem hem gebreckelic zijnde van betalen(e)/ geloeft hadde ende de raidt vand(er) stad voirs(creven) aengehoirt den/ eysch des voirs(creven) willems ende tverantwerden des voirs(creven) procur(eurs)/ staende inde(n) reden(en) voirscr(even) en(de) meer ande(re)n ende dae(re)nteynden/ gevisenteert hebbende de voirs(creven) registren ende vo(n)nissen heeft/ opden dach van heden uutgesproken voe(r) reden(e) ende recht dat/ de voirs(creven) cap(it)len den voirs(creven) willem(me) corten selen ende afslaen aen/ tghene des de voirs(creven) willem hen tacht(er)s mach wesen soe wes/ men bevint dat hij ten afsceiden vand(er) voirs(creven) pechtingen opde/ voirs(creven) goede meer hadde gedaen van besaiden(e) en(de) anders dan/ alsoe hij die tsijne(n) aencome(n) bevant behoudelic dat d(er) selv(er)/ cap(it)len dair tegen te baten sal come(n) des de voirs(creven) willem nae/ gelangde vanden tijde dat hij de voirs(creven) pechtinge besat tacht(er)/ mach sijn van boeme(n) te plante(n) de lande te mesten en(de) te beg(ra)ven/ na d(er) vorw(er)den vand(er) voirs(creven) pechti(n)gen ende dat in beide(n) zijde(n)/ te geschien ter taxacie(n) van goede(n) ma(n)nen ertwynne(n) geseten/ ter plaetsen van lymbeke dair de voirs(creven) goede gelegen zijn/ ende dat de voirs(creven) p(ar)tien mids desen vanden gescille en(de)/p(ar)tien [saken] voirgenoe(m)pt v(er)enicht ende gesleten sallen wesen en(de)/ dae(re)n bove(n) vande(n) selve(n) poente(n) malcande(re)n niet meer moeyen/ noch vexe(re)n behoudende de voirs(creven) raid te henwert alle/ donck(er)heide(n) die h(ier) inne in nacomende tijde(n) gevallen mochten en(de) d(aer) af/ heu(re) v(er)clare(n) act(um) in pleno (con)silio febr(uarii) vii