SAL7342, Act: R°321.2 (471 of 650)
Search Act
previous | next
Act R°321.2  
Act
Date: 1448-03-18

Transcription

2019-04-24 by Pieter Soetewey
Item het es vorwerde dat soe wa(n)neer e(n)nich vande(n) voirs(creven) p(er)sone(n) hen/
bege(re)n te doen beleiden tot allen den goede(n) have ende erve d(er) voirs(creven)/
gehuyschen soe verre zij die opden dach van heden hebben oft mechtich/
zijn ende tselve beleidt gedaen zijnde salme(n) den scoutbrief te nieute/
doen en(de) den beleidt brief der voirs(creven) jouff(rouwen) elzen in hue(re) hant/
gheve(n) ja alsoe verre als de selve geleidde quitan(cie) uutte(n) selve(n)/
beleide gheeft inder best(en) fvorme(n) vanden p(or)celen van goeden ende/
tsijnze hier na genoempt te wete(n) van (½) dach(mael) beemds gelege(n)/
te weerde op sinte marie(n) wiel tussce(n) de goede der kinde(re)n jans/
van ned(er)s en(de) daems van vetcherie(n) Ite(m) van (½) boende(r) lands gelege(n)/
inde doshage tussce(n) janne goed(er)toys en(de) henricke dekens Ite(m) vand(er)/
helcht van iii vierdele(n) lands gelege(n) opde bercheyde tussce(n) henr(ick)/
dekens en(de) janne moe(n)s Ite(m) va(n) ene(n) halve(n) dach(mael) lands gelegen/
opde kellebeke neve(n) de goede jan moens Ite(m) van ene(n) driesch/
houden(de) i(½) dach(mael) luttel min oft meer gelegen tussce(n) dlandt/
gehete(n) de delle en(de) tusscen de goede m(er)tens borrema(n)s Ite(m) van ene(n)/
dach(mael) lands gelege(n) te vaelbeke neve(n) de goede vranx willem(er)s/
gehete(n) van thiene(n) Ite(m) van xl s(tuvers) borsgelts op huys en(de) hoff/
pet(er)s du(n)nemelc gelege(n) te loven(en) inde p(er)cstrate jegen den groete(n) poel/
Ite(m) van iii d(enieren) goedts gelts op ene(n) hoff gelege(n) bijder scaveyen/
dat henrix buysacx was en(de) jan peema(n)s nu houden(de) es ende/
die quitan(cie) alsoe gedaen zijnde sal mense gheve(n) den voirs(creven) ja(n)ne/
de haze en(de) nyema(n)de anders cor(am) eisd(em)
ContributorsLieve Van Hoestenberghe , Jos Jonckheer
Moderated byLieve Van Hoestenberghe
Last update: 2015-08-20 by Agata Dierick