SAL7342, Act: R°395.5 (593 of 650)
Search Act
previous | next
Act R°395.5  
Act
Date: 1448-05-28

Transcription

2020-05-01 by Pieter Soetewey
Want jan van mynderhout als geleidt na der stad recht va(n) loeven(e)/
tot allen de(n) goede(n) magriete(n) weduwe willems wilen heyns op den dach/
van heden hadde doen inscrive(n) gorde van erpe die hem ongebruyck dede aen/
de goede hier na bescreve(n) inden yersten eene(n) bemt gehete(n) den coekenbeempt gelege(n)/
te zichene(n) tusscen den bemt jans prinsens en(de) neve(n) de woeninge vanden stade/
It(em) vii zille(n) beempts gelege(n) int broec va(n) zichene int banhout tussce(n) de goede/
henr(icx) cleynarts en(de) de deme(r) en(de) neve(n) den brugbeempt It(em) i boend(er) bosch gelege(n)/
in beylaer neve(n) de goede sjonch(e)r(e)n van heynsberge en(de) neve(n) der he(re)n strate van/
beckevort It(em) eene(n) bosch gelege(n) tscoend(er)beke [houden(de) ii boend(er)] tussce(n) de goede arts inde(n) have/
en(de) neve(n) d(er) he(re)n strate It(em) i wijng(ar)t gelege(n) te testelt inden hang tussce(n) de/
goede des cloest(er)s van tong(er)loe en(de) de goede jans gielijs It(em) i wijng(ar)t gelege(n)/
ald(aer) inden dasberch tusscen de(n) goeden jans mathijs en(de) den goede(n) beatrise(n)/
scoecx tot welke(n) dage de voirs(creven) gord niet en qua(m) so hebbe(n) de he(re)n/
scepen(en) va(n) loeven(e) ter manissen smeyers gewijst voir een vo(n)nisse datme(n)/
den voirs(creven) jan vande(n) voirs(creven) goede(n) houde(n) sal inde macht van/
sijne(n) voirs(creven) beleyde also v(er)re dat noch voir scepen(en) come(n) es/
p(rese)nt(ibus) py(n)noc miles abs(oloens) witte willem(air) hortbeke maii xxviii
ContributorsLieve Van Hoestenberghe
Moderated byLieve Van Hoestenberghe
Last update: 2015-08-21 by Agata Dierick